Yehova onachuna wi ichoko ikhaleke soohakalala. (Sal 127:3-5; Ekl 9:9; 11:9) Nyenya, ohakalala wahu onanwerya waakanyeryiwa nthowa na sawuukhula sa elapo yeela ni soohesa sa achu a veechokoni vahu. Tiheeni mmoha ti mmoha a veechokoni onaphwaneleiye weera wi aaceererye ohakalala veechokoni?

Mulopwana othenle onaphwanela omvahaka ncicimiho mwaariye. (1Pet 3:7) Owo onaphwanela omalihaka elukuluku ni mwaariye. Owo toophimelela wa yeeyo onaweheryeiye wa yoowo nave onnooniherya othamalela wawe wa yeeyo mwaariye onapakeiye ntakhara yoowo ni echoko. (Ako 3:15) Owo onnooniherya osivela wawe ni onnamucicimiha yoowo.—Mas 31:28, 31.

Muthiyana otheliwe onnaavyavya mikhalelo sa omukhaviherya iyawe. (Mas 31:12) Owo onnamwiiwelela yoowo. (Ako 3:18) Owo onnaloca moosivela ni yoowo nave vooloca sa yoowo.—Mas 31:26.

Asitiithi anaphwanela omalihaka elukuluku ni anamwanaaya. (Malam 6:6, 7) Awo annaloca wa anaaya wi annaasivela. (Mat 3:17) Vaavaa awo anaalakaaya, annooniherya osivela ni ophimelela.—Aef 6:4.

Anamwane annaacicimiha ni owiiwelela asitiithi aya. (Mas 23:22) Awo annaaleela asitiithi aya yeeyo anuupuwelaaya ni mukhalelo aniisoonaaya. Awo anneemererya olaka wa asitiithi aya nave annawooniherya ncicimiho yaawo.—Mas 19:20.

MOONE EXILEMA MUNNUWIHE OHAKALALA VEECHOKONI VANYU, NAVE VOOCHARELA MWAAKHULE NIKOHO NNACHARELA:

• Tiheeni mmoha ti mmoha eenreiye wi unnuwihe ohakalala veechokoni?