Variyari va mweeri wa Setempuru, nnahaala opaka wiilipixerya wavameekhaaya wi nooniherye wi pahiru Omwene wa Muluku tonahaala orehererya makacamiho oothene a achu. (Mat 24:14) Ti mwawiihai muneeraanyu mpake makupa? Wakhala wooweryeya, mwaalakhanye soorepa sinaloca sa Omwene wa Muluku ni achu ancipale variyari va mweeri yoowo. Wakhala wi muchu ohooniherya nchuno, mumvahe erevista ya Mulipeleli, N.°  2 2020. Voocharela, mutitelele wunnuwiha nchuno nawe mwawaakuveya wakhala wooweryeya, nave mweererye opaceriha yoohuserya ya Piipiliya mpharihelaka eproxura Mpuhe Okumi Okhala Wookhala! Oothene yaale eni erumeele ntoko mapiyoneero ookhaviherya variyari va mweeri yoowo, ananwerya othanla opaka iwora 15 naari 30 mmuteko woolaleeraya.

Omwene wa Muluku onaahaala otoloxa olamulelo woothene weelapo. (Tan 2:44; 1Ako 15:24, 25) Nnanwerya opharihela phaama ekari yeela yavameekhaaya wi nooniherye ororomeleya wahu wa Yehova ni Omwene awe!