Yesu oovaha okumi awe ntoko mukucho wa achu ohiphaameya. (Aro 5:8) Moohikhwa minikwa muchu ti muchu onnathamalela nthowa na osivela yoowo Yesu oonihenryeiye moorweela wa ovaha okumi awe wi anoopole. Mwawiihiiha, elukuluku ti elukuluku nnaphwanela wiisuupuseryaka wi Yesu ookhwa wa annihu tho. Nni nooniherye hai wi ninnaasivela annihu yaawo ari oohiphaameya ntoko hiyo? Muthokororye meerelo mararu. Oopacerya, nnanwerya owaacererya asinthamwene ahu orweela wa waaphitaanyerya oothene yaale ari ohiyana ni hiyaano. (Aro 15:7; 2Kor 6:12, 13) Anaawiili, hiyaano nnanwerya osepa oloca naari weera ichu inahaala waananara akina. (Aro 14:13-15) Ookuchula, wakhala wi ookhala onichekenle nnaphwanela omukhurumuwela mwawaakuveya. (Luka 17:3, 4; 23:34) Wakhala wi ninniilipixerya omutakiherya Yesu mmeerelo yaala, Yehova onahaala otitelela oreeliha muloko ahu ni murecele vamoha ni wiiwanana.

MOONE EXILEMA NWOONEKE AKINA MMUKHALELO WAPHAAMA! NAVE MWAAKHULE MAKOHO ANACHARELA:

• Tuuvi wari moonelo woopacerya wa Miki vooloca sa muloko awe?

• Tiheeni yaamweerinhe otoroka moonelo awe?

• Ti mwawiihai yootakiherya ya Yesu yaamukhavihenryaaya otoroka moonelo awe? (Mar 14:38)

• Ti mwawiihai yoorepa ya Masiposipo 19:11 enanikhaviheryaaya owoonaka Akristu akhwiihu mmukhalelo waphaama?