Ti wooweryeya wa achu oothene a Yehova opaka ichu ntakhara yoowo, seiho inahaala wuupuweleliwaka okhala wookhala. Hiiha ntoko tiithi onaasivela anamwane awe nave hanacuwala ichu awo apankaaya, Yehova harwa acuwala muteko ahu ni osivela nnooniheryaahu ntakhara nsina nawe. (Mat 6:20; Ahe 6:10) Eparipari wi oothene ahu nookhalano mavyakelo ni mikhalelo soohiyana mu okumi ahu. Naamwi ori hiiha, wakhala wi oothene ahu ninnapaka owetha wahu wi nimurumeele Yehova, nnanwerya okhala oohakalala. (Gal 6:4; Kol 3:23) Mu iyaakha sincipale, macikhwi a anna ni arokora annalapa Opeteli. Apwanne munanwerya wiiveleela wi mwarumeele Opeteli? Wakhala wi hooye, vano apwanne mwanwerya waaceenyerya akina weerano yeeyo, naari waakhaviherya anna ni arokora analapa Opeteli otitelela orumeela mmuteko yoola wavameekhaaya?

MOONE EXILEMA MWIIVELEELE WI MWARUMEELE OPETELI, NAVE MWAAKHULE MAKOHO ANACHARELA:

• Tiheeni eni emweerihe muchu oya orumeela Opeteli?

• Tiheeni akina aloncaaya vooloca sa mareeliho a orumeela Opeteli?

• Mikhalelo taani munna naari murokora onaphwaneleiye okhalano wi arumeele Opeteli?

• Muni mwaakhule hai makoho anaphwanyeya va epetisau ya muteko wa Opeteli?