NTAKHARA HEENI TI YOOCHUNEYA: Muhusiha ahu Mutokweene, Yehova, onnanivaha mahusiheryo yaawo nnachunaahu. Owo onnanihusiha mukhalelo wa okhalano okumi waphaama ni onivyakiha ntakhara omwaahiyu wootikhiniha nnaweheryaahu—nave tahi woochuneya olivela mahusiheryo yaala oothene! (Isa 11:6-9; 30:20, 21; Wup 22:17) Moorweela wa mahusiheryo awe, Yehova onnanvyakiha tho wi niwerye olaleerya wa akina michaka seiho inavuluxa ikumi.—2Kor 3:5.

MUKHALELO WA WEERANO:

• Mukhale awiiyeviha ni oreera murima.—Sal 25:8, 9

• Mukumihe mphurelo mu ovyakihiwa munavahiwaanyu ni Yehova hiihaano, ntoko yootakiherya, moorweela wa weemererya makupa a anasikola mmithukumano sa veeri va esumana.

• Mukhaleno soolakelela soomunepani nave mwiilipixerye waakhwaniha. —Fil 3:13

• Mwiilipixeryeke wi muhoolo mphwanelele waakhela ovyakihiwa okina.—Fil 3:8

MOONIHE EXILEMA MAREELIHO ANARWEELA MU OHUSIHIWA NI YEHOVA NAVE VOOCHARELA MWAAKHULE MAKOHO ALA ANACHARELA:

• Makacamiho taani anna ni arokora akina yaakumannaayano wi eye Osikola ya Alaleeryi a Omwene?

• Ovyakiha taani anna ni arokora yaakhenlaaya o Osikola ya Alaleeryi a Omwene?

• Ti mwawiihai anna ni arokora mmulokoni yaakhavihenryaaya anna ni arokora yaala mmuteko aya muvyaani emanle ohuserya?

• Ichu taani inachuneya wi munna naari murokora aphwanelele oya mu Exikola ya Alaleeryi a Omwene? (kr-T epaax. 189)

• Ovyakiha taani okina nyuwaano munahaalaanyu ophwanya mmarehereryo a Yehova?