Yakopo aawana ni munkeelo wa nthowa na yeeyo yaari yoochuneyaxa—mareeliho a Yehova. (Map 32:24-31; Ose 12:3, 4) Hanka hiyaano? Apwanne ninnapaka owetha wahu wi nimwiiwelele Yehova ni waakhela mareeliho awe? Ntoko yootakiherya, wakhala wi noophiya nihiku na mithukumano, nyenya munnachuna ophara muteko wammoori, naari ompaka nakoso, tiheeni mwaahaalaanyu othanla? Vaavaa nnamvahaahu Yehova elukuluku ahu, ikuru sahu, ni sookhalano sahu, owo onamuniyeeherya “mareeliho, esareye moophwasha.” (Malak 3:10) Owo onahaala onihoolelaka, onikhapelela, onaakiha vamoha ni othokororya soothowa sahu.—Mat 6:33; Ahe 13:5.

MOONIHE EXILEMA MUTIKITHERYEYE MU SOOLAKELELA SOOMUNEPANI, NAVE MWAAKHULE MAKOHO ANACHARELA:

• Mmukhalelo taani murokora eehiweiye ni yeeyo yaamusivela?

• Ti mwawiihai muteko ahu oneeraaya okhale yaweeha wa hiyaano?

• Ntakhara heeni Timoteo aaphwaneleiye otitelela otikitherya soolakelela soomunepani naamwi aari Mukristu awiichwelavo?—1Tim 4:16

• Nnooniherya hai “muteko ahu woopacerya”?