YOOCHARIHA YA MITHUKUMANO OKUMI NI MUTEKO AHU WEEKRISTU Apirili 2018
Ochekula wa Ntakiheryo
Mukhalelo wa ochekula orweela Mpiipiliyani vooloca sa ekumi yoohakalala.
MUHAKHU WA MASU A MULUKU
Paskha ni Mukonelo—Olikanela ni Ohiyana
Naamwi Paskha aheemelelaka Mukonelo, ichu ikina sa Paskha sookhalano sootaphulela wa hiyaano.
MUHAKHU WA MASU A MULUKU
Haweni Mwaapake Oohuserya—Ntakhara Heeni, Woowi, ni Mwawiihai?
Waapaka oohuserya onataphulela waahusiha akina weera soothene Yesu olamulenleiye. Muteko ahu wa waapaka oohuserya onavolowela waahusiha oohuserya ahu opharihela mahusiheryo a Yesu ni ochara yootakiherya awe.
OKUMI WEEKRISTU
Olaleerya ni Ohusiha—Ti Woochuneya wi Naapake Oohuserya
Yesu aahaalamulela oomuchara awe oya waapaka oohuserya. Eyo enavolowela eheeni? Nni naakhaviherye hai achu oya vahoolo omunepani?
MUHAKHU WA MASU A MULUKU
“Soleveleliwa Sotxheka sà!”
Tiheeni nnahuseryaahu orweela wa sootikhiniha sinaphwanyeya va 2:5-12? Saweereya iha sini sinikhaviherye hai ovilela vaavaa nniiceliwaahu?
MUHAKHU WA MASU A MULUKU
Openuxa Nihiku na Sapata
Ntakhara heeni Yesu aatepa wiiniwa murima nthowa na mukhalelo wa ahooleli a Ayuta? Makoho taani anahaala okikhaviherya osuwela waakhanle wi kinnatakiherya ikharari sa Yesu?
MUHAKHU WA MASU A MULUKU
Yesu Ookhalano Ikuru sa Waaviiha Oosiveliwa Ahu Akhwile
Wuupuwelela saweererya sa Mpiipiliyani vooloca sa ovinya mookhwani enahaala olipiha nroromelo nahu mu oviihiwa wa oosiveliwa ahu omwaahiyu.
OKUMI WEEKRISTU
Mphariheleke Phaama Ikaruma Sahu sa Ohusiha
Wi nihusihe mwaphaama, hiyaano nnaphwanela ohuserya opharihela phaama ikaruma sahu. Ekaruma ahu taani eri yoochuneyaxa? Nni niwerye hai waaceererya mavyakelo a opharihela phaama ikaruma sahu sa ohusiha?
