Waapaka oohuserya onalikana ni oteka empa. Wi nteke empa yaphaama ni yoolipa, nnaphwanela ohuserya opharihela phaama ikaruma sahu. Mwawiihiiha, ti woochuneya wiikhoveleliha opharihela phaama ikaruma sahu sa ohuseryano Masu a Muluku. (2Tim 2:15) Nnaphwanela tho opharihelaka phaama soolaleeryiwa sahu vamoha ni ixilema inapaka makupa a Ikaruma Sahu sa Ohusiha—ni yoolakelela ya waapaka oohuserya. *

Nni nunnuwihe hai mavyakelo ahu a opharihela Ikaruma Sahu sa Ohusiha? (1) Mveke nikhaviheryo wa munna yoowo onahoolela nikhuuru nanyu na olaleerya, (2) mulape vamoha ni mulaleeryi yoowo ori mavyakelo naari piyoneero, vamoha ni (3) mwiikhovelelihe, mwiikhovelelihe, mwiikhovelelihe. Vaavaa muniikhovelelihaanyu opharihela phaama soolaleeryiwa vamoha ni ixilema, nyuwaano munahaala opuha ohakalala wa ophara muteko wa oteka woomunepani yoowo munapharaanyu.

MIWOPELO

AKARTAU