MUHAKHU WA MASU A MULUKU | MATEU 14-15
Waavakulela Ancipale Moorweela wa Achu Avakhaani
Ahaakumve Paskha a eyaakha ya 32 E.K., Yesu aapaka yootikhiniha, yeeyo erempwe ni anamarepa oothene a michaka.
Moorweela wa yootikhiniha yeela, Yesu aatikitherya meerelo yaawo otitelenleiye opharihela ophiyerya olelo.
-
Yesu aahaaruma oohuserya awe ovakulela muloko, naamwi awo yaarino pahiru ipau thanu ni ihopa piili.
-
Yesu aakuxa ipau ni ihopa, nave amanle opaka nivekelo, aahaakawela oohuserya awe, nave voocharela awo yaakawa wa muloko woothene.
-
Mootikhiniha, saakhalavo ipau ni ihopa sincipale nave achu oothene yaalya ophiyerya ovona. Yesu aahaavakulela achu ancipale moorweela wa achu a vakhaani—oohuserya awe.
-
Yesu aahiloherya wi variyari va mahiku ookuchula, owo aahaala othanla nikhuuru naahaala ovahereryaka “yolya [yoomunepani] mwa elukuluku yophwanelela.”—Mat 24:45.
-
Mu 1919, Yesu aamuthanla “mulapeli òroromeleya ni awisuwela,” nikhuuru nikhaani na anna awoocihiwa, wi naavakuleleke “amulapeli akina.”
-
Moorweela wa nikhuuru nenla nikhaani na anna awoocihiwa, Yesu onnachariha meerelo yaawo aatikithenryeiye mu nsana noopacerya.
Kini kooniherye hai wi kinnathamalela ni ocicimiha nikhuuru nenlo Yesu onaphariheleiye wi aavakulele achu omunepani?
