Nyuwaano mpacenrye liini oweherya orwa wa Omwene wa Muluku? Munnavilela moopixa murima naamwi mukhalihiwaka moonanara? (Aro 8:25) Akristu akina annahooxiwa, wiikariwa, owaleliwa, ophiyerya tho wiiphiwa. Ancipale anahooxeya ni makacamiho ntoko ereca yoohilooleya naari wuuluvala.

Tiheeni eni enikhaviherye oweherya moopixa murima naamwi nihooxeyaka? Nnaphwanela ovakulela nroromelo nahu nihiku nnihiku moorweela wa omwaalakhanya Piipiliya ni wuupuwelela. Nnaphwanela okuha mmuupuweloni ewehereryo ahu. (2Kor 4:16-18; Ahe 12:2) Nnaphwanela tho ovekelaka ni murima woothene nivekaka ikuru sa munepa awe waweela. (Luka 11:10, 13; Ahe 5:7) Tiithi ahu oosivela onahaala onikhaviherya ‘ovilela soothene ni nthiti.’—Kol 1:11.

MOONE EXILEMA NNAPHWANELA WI “NTXHIMAKE NI NTHÌTI”—MUROROMELE OMWAAKHELA PHATAMARI ANYU, NAVE VOOCHARELA MWAAKHULE MAKOHO ALA:

• “Otakhaliwa” taani naari ipahu sini sikhumelele mu okumi ahu? (Ekle 9:11)

• Nivekelo nnanikhaviherya hai variyari va makacamiho?

• Wakhala wi hannawerya weera sincipale mmuteko wa Yehova ntoko neeraahu, ntakhara heeni ti yaphaama ohakalala ni yeeyo nlelo nnaweryaahu weera?

• Tiheeni enookhaviheryaani otitelela okhala oororomela wi munahaala omwaakhela phatamari?