Ntoko achu oohiphaameya, hiyaano nnaphwanela ovareryela minkhela sahu. Wakhala wi nnapaka seiho nnachunaahu, nnahaala oyeleela weemereryiwa ni Yehova. Ntoko yootakiherya, akina anneemererya minkhela sa okhalano yoolya, soowara, ni ipa itokotoko opwaha omusivela waya Muluku. Akina annaakhwaniherya minkhela saya soocapaheya ni okhooca malakiheryo a Muluku. (Aro 1:26, 27) Nave akina annaweemererya akina wi yaavolowele yaawo wi yeereke yeeyo eri yoonanara nthowa nawi anachuna okhala oolikana ni weemereryiwa ni yaawo.—Muk 23:2.

Ti mwawiihai nneeraahu niwerye ovareryela minkhela sahu? Nnaphwanela opaka owetha wahu wi ntikitheryeye mu ichu soomunepani. (Mat 4:4) Hiyaano tho, nnaphwanela omveka Yehova wi anikhaviherye ovareryela minkhela sahu. Ntakhara heeni? Nthowa nawi owo oosuwela yeeyo eri yaphaama wa hiyaano ni mukhalelo wa okhwaaniherya soochuna sahu.—Sal 145:16.

MOONE EXILEMA MUHEEMERERYE WI SOONA APAHULE OKUMI ANYU, NAVE VOOCHARELA MWAAKHULE MAKOHO ANACHARELA:

• Tiheeni enaweeriha achu akina omulya soona?

• Tiheeni enahaala oweeraani wakhala wi munnamulya soona?

• Ntakhara heeni munnamulya soona nave muni mucharuwe hai yooriipiheya yeela?—2Kor. 7:1

• Muni muloce hai wi hamunamulya soona naari moohiya omulya?