Akristu eeparipari anniilipixerya wi soolakelela saya soothene sithipeleyeke mu osivela. Osivela “honahakalalela sootakhala.” (1Kor. 13:4, 6) Mwawiihiiha, hiyaano nnaphwanela osepa mathatelo anavuwiha ichu ntoko ocapaheya ni nlala. Nave tho, hiyaano hannahakalalela vaavaa ichu soonanara ineereyaaya wa akina, ophiyerya tho wa yaale ananiica.—Masi 17:5.

MOONE EXILEMA ILUKULUKU SOOTHENE MUUPUWELEKE WI OSIVELA . . . HONAHAKALALELA SOOTAKHALA, NAVE VOOCHARELA MWAAKHULE MAKOHO ANACHARELA:

• Tavite onneiye hai vaavaa aasuwenleiye wi Sawuli ni Yonata yaakhwa?

• Ncipo taani Tavite iimpeiye ntakhara Sawuli ni Yonata?

• Ntakhara heeni Tavite haahakalalenle okhwa wa Sawuli?