Nceenyeryiwaka ni osivela, hiyaano ninnawehererya wi annihu anahaala opaka soothanla saphaama. (1Kor. 13:4, 7) Ntoko yootakiherya, wakhala wi munna oopaka yoocheka nave aakhela olaka, ninnawehererya wi owo onahaala waakhulela ni wiilipixerya opaka matorokelo. Ninnakhala oopisa murima ni yaale ari ooceecheya mu nroromelo, ni weererya waakhaviherya yaawo. (Aro 15:1) Wakhala wi muchu oohiya muloko, hiyaano hinnahiya owehererya wi ekwaha ekina onahaala ochika.—Luka 15:17, 18.

MOONE EXILEMA ILUKULUKU SOOTHENE MUUPUWELEKE WI OSIVELA . . . ONNAWEHERERYA SOOTHENE, NAVE VOOCHARELA MWAAKHULE MAKOHO ANACHARELA:

• Ti mwawiihai ororomeleya wa Abneri waatoroken’yaaya?

• Ti mwawiihai Tavite ni Yowabi yaakhulenlaaya yooveka ya Abneri?

• Ntakhara heeni nnaphwanelaahu owehererya wi annihu anahaala opaka soothanla saphaama?