Wi emuhakalalihe Muluku, oohuserya a Piipiliya anaphwanela wunnuwiha nroromelo noolipa. (Ahe 11:6) Nnawerya otannya mirima saya nimpharihelaka liivuru Mpuhe Okumi Okhala Wookhala! Liivuru yoola oomuhuserya ookhalano soorepa soochuneya, awiiwexexeya, makoho oophwanelela, ixilema sooceenyerya, ni iruku sooreera. Moorweela wa waakhaviherya oohuserya wi yunnuwihe mikhalelo Seekristu ni onthamwene aya ni Muluku, hiyaano ninnateka ni ikaruma sinalekela.—1Kor. 3:12-15.

Achu akina annoona okhala woovila opaka onthamwene ni Muluku, yoowo ahinaweryaaya omoona. Hiyaano nnaphwanela waakhaviherya yaawo omusuwela Yehova ni omuroromela yoowo.

MOONE EXILEMA MUTEKE NROROMELO MWA YEHOVA, MUMPHARIHELAKA “MPUHE OKUMI OKHALA WOOKHALA!” NAVE VOOCHARELA MWAAKHULE MAKOHO ANACHARELA:

• Nnasuwela hai wi murokora aahiirehererya phaama ntakhara yoohuserya?

• Ti mwawiihai owo opharihenleiye phaama makoho awaaceererya wi amukhaviherye oohuserya oloca muupuwelo ni moonelo awe vooloca sa Isaiya 41:10, 13?

• Ti mwawiihai exilema ni iversikulu sa Piipiliya saamvolowenlaaya oohuserya?

Achu ancipale haniiwexexa mathowa ene, naari awo hanoona yamahala ya Muluku wa yaawo. (Gal 2:20) Mwa yeeyo, nnaphwanela waakhaviherya awo wi elipihe nroromelo naya mwa mukucho wa woopola wa Yesu.

MOONE EXILEMA MUTEKE NROROMELO MWA YESU, MUMPHARIHELAKA “MPUHE OKUMI OKHALA WOOKHALA!” NAVE VOOCHARELA MWAAKHULE MAKOHO ANACHARELA:

• Nnasuwela hai wi munna aahiirehererya phaama ntakhara yoohuserya?

• Ti mwawiihai owo aapharihenleiye nikupa nni “Otholathola” wi amukhaviherye oohuserya?

• Ntakhara heeni ti woochuneya ovekela ni oohuserya?