Eyaakha ti eyaakha, amiravo ancipale annathanla okhala asinthamwene a Yehova. (Sal 110:3) Yehova onnookhapelelaani vancipale mmoha ti mmoha a nyuwo. Owo onniiwexexa makacamiho munahoolelaanyu nave oororomeliha wookhaviheryaani wi mmurumeele yoowo. Waakhanle wi mphwiiwale ni mai naari tiithi pahiru, muupuwele wi Yehova ‘tiithi a ikwaasuni.’ (Sal 68:5, PMM) Ni ovyakiha wa Yehova, nyuwaano munanwerya okhumelela phaama moohipwacha nikacamiho munahoolelaanyu owaani.—1Pet 5:10.

MOONE EXILEMA MWAATAKIHERYE ACHU A NROROMELO, OHIYA AHIRINO NROROMELO—YAALE APHWIIWALE NI TIITHI NAARI MAI, NAVE VOOCHARELA MWAAKHULE MAKOHO ANACHARELA:

• Tiheeni nnahuseryaahu orweela wa sootakiherya sa Tammy, Charles ni Jimmy?

  Your answer

• Yoororomeliha taani Salmu 27:10 onaavaheiye yaale ephwiiwale ni maayi naari tiithi pahi?

  Your answer