OKUMI WEEKRISTU

Muri Ooreheryeya Ntakhara Makacamiho a Ikhorowa?

ORUMIHA

Hannakhala oohaleeliheya vaavaa saweereya sa elapo sinakumiheryaaya makacamiho a ikhorowa mu elapo yoothene. Ntakhara heeni? Woona wi nnakhala mmahiku ookuchula nave Piipiliya onnanlopola wi nihikuhe ewehereryo ahu “mmuhakhu woohiroromeleya.” (1Tim 6:17; 2Tim 3:1) Tiheeni yootakiherya ya Mwene Yehosafati enanihusihaaya vooloca sa okhala ooreheryeya ntakhara makacamiho a ikhorowa?

Vaavaa aahoolenleiye woopopiha orweela wa amwiicani a maloko, Yehosafati aahimuroromela Yehova. (2Math 20:9-12) Owo tho aahirehererya muloko woosiilo ene moorweela wa olipiha ipooma ni waarehererya anakhoco. (2Math 17:1, 2, 12, 13) Hiihaa ntoko Yehosafati, nnaphwanela omuroromela Yehova ni wiirehererya ntakhara ilukuluku sookacamiha.

TIHEENI NNAPHWANELAAHU WEERA WI NIIREHERERYE NTAKHARA MAKACAMIHO A IKHOROWA?

Mulipihe onthamwene anyu ni Yehova: Mukhaleke awaakhwaneliwa nave mulipihe nroromelo nanyu mu owerya wa Yehova wa ovahererya soothowa sanyu sa nihiku ti nihiku. (Mat 6:26; 1Tim 6:8) Mukhale oolakelela wi muhirwe mweemererye ohiya opharihela malakiheryo a Mpiipiliyani wi mwaakhwaniherye soothowa seiho. (Aro 2:21) Muthokororye mukhalelo muneeraanyu mphwanyeke yoolya yoomunepani wakhala wi enerxiya naari interneti ookwatiwa. Mukhapelele soolaleeryiwa sawimpirimiiriwa nave wakhala wooweryeya, mpaxaare soolaleeryiwa mu ekhankoonya.

Mwiirehererye omwiilini: Musepe opaka ivaale ni othuma ichu soowalamela seiho sihiri soochuneya ehaakumve okhumelela makacamiho a ikhorowa. (Mas 22:7) Wakhala wooweryeya, mukhapelele yoolya yoophwanelela ni ichu ikina soochuneya. Akina annalima wi yaale mathaapa wi ekhapelele ikhorowa.

MOONE EXILEMA APWANNE MOHIIREHERERYA NTAKHARA IPAHU SA MAPHACUWELO? NAVE VOOCHARELA MWAAKHULE MAKOHO ANACHARELA:

Tiheeni nnaphwanelaahu weera wi niirehererye ntakhara ipahu sa maphacuwelo?

Your answer

Ti mwawiihai nneeraahu niirehererye wi naakhaviherye akina?

Your answer

YOOCHARIHA YA MITHUKUMANO OKUMI NI MUTEKO AHU WEEKRISTU