Pahiru yaale arino meecelo aphaama ananwerya opuha onthamwene ni Yehova. (1Ped. 1:14-16) Vaavaa oohuserya a Piipiliya anavoothaaya sookhovelela soonanara, ananwerya tho okhaviherya emusi aya, okhalano ekumi yaphaama ni okhalano moonelo waphaama wa ichu soomwiilini.

Mmutharihele mookwakwaleya meecelo avasulu a Yehova, ni ntakhara heeni oryaaya waphaama weerano yeeyo owo onaloceiye. Mwaakhaviherye oohuserya anyu otoroka mukhalelo aya wa wuupuwela, nave hiihaa anahaala owerya opaka yeeyo Yehova onachuneiye. (Éfe 4:22-24) Mwaaroromelihe awo wi nnikhaviheryo na Yehova ananwerya ohiya weera ichu soonanara seiho yaapakaaya mu elukuluku yincipale. (Fil. 4:13) Mwaahusihe awo ovekela wa Yehova vaavaa aneehiwaaya wi epake yoocheka. Mwaakhaviherye awo osuwela mikhalelo saweeha seiho yaahaalaaya osepa. Mwaaceenyerye awo oraceeliha sookhovelela sooriipiheya ni ophara miteko sinahaala waakhaviherya. Munahaala okhala oohakalala vaavaa munawoonaanyu oohuserya a Piipiliya ekhumelelaka phaama ni opaka matorokelo nnikhaviheryo na Yehova.

MOONE EXILEMA MWAAKHAVIHERYE OOHUSERYA ANYU A PIIPILIYA . . . OVOOTHA SOOKHOVELELA SOORIPIHEYA, NAVE VOOCHARELA MWAAKHULE MAKOHO ANACHARELA:

• Ti mwawiihai asitokweene vamoha ni Nita yaamuroromelinhaaya Flora?

• Ti mwawiihai tho Nita aamukhavihenryeiye Flora?

• Ti mwawiihai Flora aamvyeiye nikhaviheryo noorweela wa Yehova?