29 a Apirili–5 a Maiyu
SALMO 34-35
Ncipo 10 ni Nivekelo | Masu Oohulela (1 min.)
1. ‘Mmucicimihe Yehova Ilukuluku Soothene’
(10 min.)
Tavite aanamucicimiha Yehova naamwi ahoolelaka makacamiho (Sal 34:1; Sentinela, 1/03/2007, epaax. 22, epara. 11)
Tavite aanaveleela ncicimiho wa Yehova, ohiya wiicicimiha (Sal 34:2-4; Sentinela, 1/03/2007, epaax. 22, epara. 13)
Masu a ncicimiho a Tavite yaanaalipiha asinthamwene awe (Sal 34:5; Sentinela, 1/03/2007, epaax. 23, epara. 15)
Tavite amanle omuhiya Apimeleki, alopwana awaakhwana 400 yaawo yaahisiveliwa ni olamulelo wa Sauli, yaahikhala vamoha ni Tavite mutakhwani. (1Sam 22:1, 2) Ti yawooneya wi Tavite aahikhalano mmuupuweloni alopwana yaala vaavaa aamurepeiye Salmu yoola.—Sal 34, onnathariha.
MWIIKOHE: ‘Kini kimucicimihe hai Yehova vaavaa kinahaalaaka oloca ni muchu mmuthukumano wa muloko woocharela?’
2. Muhakhu Woomunepani
(10 min.)
-
Sal 35:19—Teevi eri yootaphulela ya yooveka ya Tavite yawi Yehova ahaahiye amiicani awe “emunyupulaka”? (Sentinela, 15/05/2006, epaax. 20, epara. 2)
-
Muhakhu taani woomunepani wa waalakhanyiwa wa Piipiliya wa esumana yeela mwaahaalaanyu osiveliwa okawana ni hiyaano?
3. Waalakhanyiwa wa Piipiliya
(4 min.) Sal 34:1-22 (th yoohuserya 5)
4. Opaceryiha Ovaanela
(2 min.) OLALEERYA WOOHILAKELELA. Ochekula onnamala nyuwaano muhaakumve ovaha onamoona. (Waasivela achu, yoohuserya 1, epontu 4)
5. Ovaanela Woocharela
(4 min.) OLALEERYA WOOHILAKELELA. (Waasivela achu, yoohuserya 2, epontu 4)
6. Mutharihe Soororomela Sanyu
(5 min.) Yawooniherya. Pergutas frequentes- 59—Muru: Ti Mwawiihai Anamoona a Yehova Anasuwelaaya wi Nihiku Nammoori na Ochapela Tahi Naweemereryeya? (th yoohuserya 17)
Ncipo 59
7. Mikhalelo Miraru sa Omucicimiha Yehova Mmithukumano
(15 min.) Othokororya ni alipa oowiriyana.
Mithukumano sa muloko sinnavaha ikari saphaama sa omucicimihano Yehova. Hankoni noone sa seiho.
Ochekulela: muloce vooloca sa mahala a Yehova vaavaa munachekulaanyu ni achu akina. (Sal 145:1, 7) Moowiriyana naari mohaalakhanya epontu yooluluwanya yeeyo yooruuhenleni mphurelo? Mohintoko okhalano yaweereya yaphaama mmuteko woolaleerya? Apwanne mohaakhela nceenyeryo na muchu orweela mu masu awe naari saweera? Akhweya nyuwaano moovarerya yoopatuxiwa yammoori yeeyo yootikhininheeni? Soothene seiya samahala sa Yehova. (Tiy 1:17) Mphiye mu aminutu vakhaani woosiilo, wi nwerye okhalano elukuluku ya ochekula ni akina.
Maakhulo: Mweereryeke ovaha naakhulo nimoha wakhala wooweryeya variyari va muthukumano ori woothene. (Sal 26:12) Nyuwaano munanwerya ovaha naakhulo nooluluwanya na nikoho naari naakhulo nawaaceererya, othariha yoorepa ni echu nnahuseryaahu. Ti yawooneya wi akina tho ananwerya oviiha nwono aya wakhala wi nyuwaano munnaviiha, mwa yeeyo murehererye maakhulo oohiyanahiyana. Yaamukhala phaama ‘omvaha Muluku mukucho woomucicimihano’ wakhala wi maakhulo ahu ta asekuntu 30 naari vakhaani.—Ahe 13:15.
Macipo: Mwiipe macipo a Omwene moohakalala. (Sal 147:1) Nyuwaano munanwerya ohithanliwa wi mvahe maakhulo mmuthukumano woothene, xaxaxa mmuloko mutokweene, nyenya ilukuluku soothene nyuwaano munanwerya wiipa macipo vamoha. Naamwi nyuwaano mwiisoonaka wi hamuniipa phaama, munaphwanela olekecheya wi munnamweeriha Yehova okhala oohakalala! (2Ako 8:12) Nyuwaano munanwerya wiirehererya moorweela wa wiikhoveleliha macipo muryeene owaani.
Moonihe EXILEMA Yaweereya Emoha Erempwe ni Yehova—Yamahala ya Wiipa, Nikupa 1. Nave voocharela mwaakohe alipa oowiriyana:
Variyari va mahiku ahu oopacerya a marehereryo, ti mwawiihai nnooniheryaahu wi wiipa macipo oomucicimihano Yehova ti woochuneya?
