4-10 a Marsu
SALMO 16-17
Ncipo 111 ni Nivekelo | Masu Oohulela (1 min.)
1. ‘Yehova Ehimaaka ya Oreera Murima’
(10 min.)
Opaka onthamwene ni yaale anamurumeela Yehova onnaniruuhela ohakalala (Sal 16:2, 3; Mulipeleli, 12/2018, ipaax. 23-24, epara. 11)
Vaavaa nnasuwelaahu wi na asinthamwene a Yehova ninniisoona okhala oohakalala (Sal 16:5, 6; Sentinela, 15/2/2014, epaax. 29, epara. 4)
Okhapelela woomunepani Yehova onavaheiye onnaneeriha okhala ookhapeleleya (Sal 16:8, 9; Sentinela, 15/2/2008, ipaax. 2-3, ipara. 2-3)
Hiiha ntoko Tavite ninnapuha okumi woohakalaliha nthowa nawi omulapela wahu Yehova echu yoochuneyaxa mu okumi ahu.
MWIIKOHE: ‘Mmukhalelo taani okumi aka oryaaya waphaama opwaha khalai kihaakumve ohuserya eparipari?’
2. Muhakhu Woomunepani
(10 min.)
-
Sal 17:8—Teevi eri yootaphulela ya masu awi “erukuruku ya niitho”? (Perspicaz, vol. 2, epaax. 349)
-
Muhakhu taani woomunepani wa waalakhanyiwa wa Piipiliya wa esumana yeela mwaahaalaanyu osiveliwa okawana ni hiyaano?
3. Waalakhanyiwa wa Piipiliya
(4 min.) Sal 17:1-15 (th yoohuserya 5)
4. Opaceryiha Ovaanela
(1 min.) EMPA NI EMPA. Mvahe nwopelo ntakhara Yawuupuxerya. (th yoohuserya 11)
5. Opaceryiha Ovaanela
(3 min.) EMPA NI EMPA. Mvahe nwopelo ntakhara Yawuupuxerya. Wakhala wi muchu owo ohooniherya nchuno, mmooniherye nave muthokororye exilema Wuupuwelela Okhwa wa Yesu. (th yoohuserya 9)
6. Opaceryiha Ovaanela
(2 min.) OLALEERYA WOOHILAKELELA. Mvahe nwopelo ntakhara Yawuupuxerya. (th yoohuserya 2)
7. Waapaka Oohuserya
Ncipo 20
8. Nni Niirehererye Hai Ntakhara Yawuupuxerya?
(15 min.) Othokororya ni alipa oowiriyana.
Mu wiiwelela wahu nlamulo na Yesu, Namurunku, 24 a Marsu nnahaala wuupuwelela okhwa wa Yesu, yeeyo evolowenlevo masu meeli matokweene oosivela a yaweereya. (Luka 22:19; Yoh 3:16; 15:13) Nni niirehererye hai ntakhara elukuluku yeela yavameekhaaya?
-
Mpake makupa moolucuwa mmukipici wa Yawuupuxerya, wi mwaawope achu ntakhara mwaha wavameekhaaya, ni Yawuupuxerya. Mpake elista ya achu yaawo munachunaanyu waawopa. Waakhanle wi muchu mukina tahi a mu ekulucu anyu, mutholathole mu jw.org wi musuwele elukuluku ni nipuro na mithukumano mu ekulucu awe
-
Variyari va mweeri wa Marsu ni Apirili, mwaaceererye muteko anyu woolaleerya. Apwanne munanwerya okhala piyoneero ookhaviherya mwaakhwanihaka iwora 15 naari 30?
-
Mu 18 a Marsu, mpacerye waalakhanya saweereya soochuneya seiyo seeren’ye variyari va esumana yookuchula mu okumi wa Yesu veelaponi yavathi. Nyuwaano munanwerya olakelela miyaha mikavi munahaalaanyu waalakhanyaka vanihikuni orweela mu “Yoohoolela ya Waalakhanyiwa wa Piipiliya Ntakhara Yawuupuxerya ya 2024” va ipaaxina 6-7
-
Mu nihiku na Yawuupuxerya, mmoone prokrama avameekhaaya a Malapelo a Woosiiselo Ntakhara Yawuupuxerya mu jw.org
-
Mu nihiku na Yawuupuxerya, nwaakhele moosivela yaale eri ekwaha aya yoopacerya ophiya va Yawuupuxerya ni ooceecheya. Mwiivahe wi mwaakhule makoho aya voocharela. Mwaaxekurye yaale yoonihenrye nchuno wi mwaakhaviherye osuwela sincipale
-
Ehaakumve ni evinre Yawuupuxerya, muupuwelele vooloca sa woopola
Moonihe EXILEMA Wuupuwelela Okhwa wa Yesu. Voocharela mwaakohe alipa oowiriyana:
Nni nipharihele hai exilema yeela variyari va mukipici wa Yawuupuxerya?
