Olaka onaahiwa ovyakiha ni ohusiha, nyenya tho onnaphitaanyerya wookolola ni olaka. Yehova onnanlaka wi nimulapeleke mmukhalelo yoowo oneemereryeiye. (Aro 12:1; Ahe 12:10, 11) Ikwaha ikina onamukhala woovila waakhulela olaka, nyenya onnahoolela owookololowani ni mareeliho. (Masi 10:7) Tiheeni yaale anavaha olaka ni yaale anaakhela anaphwanelaaya wuupuwelela?

Mulipa oovaha ekano. Asitokweene, asitiithi, ni akina anniilipixerya wi evahe ekano mooreera murima ni moosivela hiihaa ntoko Yehova oneereiye. (Yer 46:28) Naamwi olaka wakuru onaphwanela ovahiwa mwawiiwanana ni ochuneya waya nave tho oceenyeryiwaka ni osivela.—Tito 1:13.

Mulipa awaakhela ekano. Moohipwacha mukhalelo olaka onavahiwaaya, hinnaphwanela okhooca nyenya weererya opharihela mwawaakuveya. (Masi 3:11, 12) Ntoko achu oohiphaameya, ninnachuna olakiwa, yoowo onarwa mmikhalelo soohiyanahiyana. Nnanwerya olakiwa orweela wa yeeyo naalakhannyaahu Mpiipiliyani naari niiwalaahu mmithukumano sa muloko. Naari ilukuluku ikina ninnachuna olaka yoowo onarweela o nikhuuru na othoriha. Wakhala wi nohaakhela olaka ni opharihela yoowo, nnahaala okhalano ekumi yaphaama nave nnahaala okhalano okumi woohimala.—Masi 10:17.

MOONE EXILEMA “APWIYA ANAMULAKA YOOWO ANAMUKHWELAAYA”, NAVE VOOCHARELA MWAAKHULE MAKOHO ANACHARELA:

• Okumi wa Canon waari mmukhalelo taani ari mwaana, nave waatoroken’ye hai?

• Olaka taani woosivela owo aakhenleiye orweela wa Yehova?

• Tiheeni nnahuseryaahuvo orweela wa yaweereya awe?