MWAACEERERYE OHAKALALA WANYU MMUTEKO WOOLALEERYA | MWAACEERERYE OHAKALALA WANYU MMUTEKO WOOLALEERYA
Ohusiha Moolucuwa
Olucuwa onnamvolowela muchu. Vaavaa nnakhalaahu oolucuwa, ninnaweeriha achu owiriyana yeeyo nnalocaahu. Onnooniherya tho wi muchaka ahu ti woochuneya. Moohipwacha sookhovelela sa vanipuroni naari sa muchu mukhateiye, nnanwerya wunnuwiha olucuwa. (Aro 12:11) Mwawiihai?
Yoopacerya, muupuwele ochuneya wa muchaka anyu. Nyuwaano mookhalano ekari ya ‘olaleerya michaka yaphaama!’ (Aro 10:15) Yanaawiili, muupuwelele mukhalelo michaka yaphaama inahaalaaya waavolowela oowiriyana anyu. Awo annachuna owiriyana yeeyo munachunaanyu oloca. (Aro 10:13, 14) Yookuchula, muloce mooluluwanya, mpharihele ineneeryo sooyariwano ni sawooniherya sa ethoi seeparipari.
MOONE EXILEMA MPHWANYE OHAKALALA MU WAAPAKA OOHUSERYA—MUREHERERYE MAVYAKELO ANYU—OHUSIHA MOOLUCUWA, NAVE VOOCHARELA MWAKHULE MAKOHO ANACHARELA:
-
Tiheeni yeerinhe wi Nita ayeleele olucuwa wawe ntakhara yoohuserya ya Piipiliya ni Flora?
-
Tiheeni yaamukhavihenrye Nita okhala oolucuwa wanaawiili?
-
Olucuwa onnamvolowela muchu
Ntakhara heeni nnaphwanela otikitheryeya mu mikhalelo saphaama sa oowiriyana ahu?
-
Olucuwa wahu oni waavolowele hai oohuserya ahu ni achu akina?
