Ti Yehova yoowo oneeriha wi mmiso wa eparipari omele nave wunnuwe mmurimani mwa muchu. (1Kor 3:6-9) Mwawiihiiha, wi nikhumelele phaama mmuteko woolaleerya, nnaphwanela omuroromela Yehova wi anikhaviherye hiyaano vamoha ni oohuserya ahu a Piipiliya.

Mumveke Yehova wi aakhaviherye oohuserya anyu ovilela waakaahiwa ni ovootha makacamiho. (Fil 1:9, 10) Mukhale ooluluwanya. Mveke munepa waweela wi ohooleleke muupuwelo ni saweera sanyu. (Luka 11:13) Mwaahusihe oohuserya anyu a Piipiliya mukhalelo wa ovekela, nave mwaaceenyerye weerano yeeyo. Mvekele vamoha ni oohuserya anyu a Piipiliya, mpharihelaka masina aya.

MOONE EXILEMA MPHWANYE OHAKALALA MU WAAPAKA OOHUSERYA—MWEEMERERYE NIKHAVIHERYO NA YEHOVA—OVEKELA, VOOCHARELA MWAAKHULE MAKOHO ANACHARELA:

• Nikacamiho taani Nita oonneiye mwa oohuserya awe Flora?

• Ti mwawiihai 1 Korinto 3:6 aamukhaviheryeiye Nita?

• Ti mwawiihai Nita aareherenryeiye nikacamiho nawe?