Mavekelo aweemereryiwa enakhala awunkhela ntoko mukucho woopahiwa onapakiwa wiiliwiili mu Empa ya Yehova. (Sal 141:2) Vaavaa nnalocaahu ni Tiithi ahu a wirimu osivela wahu onnaneeriha omuleela yoowo, sawuukhula sahu, soochuna sahu nave nivekaka ohoolela wawe, ninnooniherya wi ninnavaha esisapo onthamwene ahu ni yoowo. Ti yawooneya wi Yehova onnoona okhala ntoko makupa oochuneya mavekelo yaawo nnapakaahu vanlakani mmithukumano ntakhara malapelo ahu.Mwawiihiiha, ti yawooneya wi ennamuhakalaliha Yehova vaavaa nnahulaahu murima ahu mmavekeloni nave nlocaka ni yoowo mu ilukuluku sincipale!—Masi 15:8.

MOONE EXILEMA NIVEKELO TI NOOCHUNEYAXA WA MIYAANO, NAVE VOOCHARELA MWAAKHULE MAKOHO ANACHARELA:

• Ekari taani Munna Johnson areiyeno wi akhumelele phaama?

• Ti mwawiihai Munna Johnson aamuroromenleiye Yehova moorweela wa opaka nivekelo?

• Tiheeni muhusenryaanyu orweela wa yaweereya ya Munna Johnson?