Moohilekela opixa murima wa Yehova ni elapo yeela onahaala omala. Malapelo atheru enahaala otoloxiwa nyenya wiiwanana wa maloko onahaala waahiphela achu a Muluku nave Yehova onahaala waatoloxa aweera soonanara mu Armaketo. Iho ti soochuneya ni sootikhiniha.

Mweeparipari, hiyaano hanasuwela sooleeliherya soothene vooloca sa yoohooxa etokotoko. Ntoko yootakiherya, hiyaano hannasuwela mookwakwaleya mukhalelo enahaalaaya opacerya. Hiyaano hannasuwela tho mathowa enahaala weeriha ipoliitika oloca mathowa ene a ohiphela malapelo. Hannasuwela elukuluku enahaala oviravo maloko yaahiphelaka achu a Muluku naari echu enahaala ophitanyeryavo. Hiyaano hannasuwela tho meerelo yaawo oochuneyasa Yehova onahaaleiye opharihela wi aatolose aweera soonanara mu Armaketo.

Soorepa seiya sinnanivaha sooleeliherya seiho nnachunaahu wi niwerye ovilela mmwaahiyu mu nroromelo ni olipa murima. Ntoko yootakiherya, hiyaano ninnasuwela wi nnakhala “mahiku òmaliherya”. (2Tim 3:1, BNM) Ninnasuwela wi ohipheliwa wa malapelo atheru “enamukhuveyihiwa” wi ehitoloxiwe malapelo eeparipari. (Mat 24:2, BNM) Noosuwela wi Yehova onahaala owoopola achu awe. (2Ped 2:9) Nave noosuwelatho wi Yehova ootikitheryavo nihiku nenlo oneereiye aatoloxa aweera soonanara oothene ni okhapelela mucici muncipale mu Armaketo ti yawookololowa ni yakuru.—Wup 19:11, 15, 16.

“Atxhu anamukhwa wova” wanthowa na saweereya sa muhoolo. Mwawiihiiha, nthowa na waalakhanya ni wuupuwelela saweereya sakhalai vooloca sa ovuluxa wa Yehova wa yeeyo owo uupulunleiye ntakhara omwaahiyu nnaphwanela ‘ovinya niviihe muru’ nroromelaka wi woopoliwa wahu ori vakhiviru.—Luka 21:26, 28, BNM.