Muchu yoowo onahiyererya opaka echu yammoori hanawerya waakhwaniherya weerano yeeyo aalakelenleiye opaka. Mwawooneya eyo hiyaweeren’ye ni Yehu elukuluku yeeyo Yehova aamvanheiye murici wa otoloxa echoko ya Akape. (2Mam 9:6, 7, 16) Achu akina ani: “Akhweya miyaano kinahaala opatisiwa mu eyaaka enacharela.” “Kinaweherya wi kinahaala opacerya omwaalakhanya Piipiliya moohihiyererya voohilekela va.” “Kinahaala wiiveleela okhala piyoneero vaavaa kineeraka kikhaleno muteko waphaama.” Piipiliya onanwerya onikhaviherya osepa ohiyererya opaka echu yammoori mmakupa a malapelo ahu.

Ti mwawiihai soorepa inacharela inahaalaaya onikhaviherya osepa ohiyererya opaka echu yammoori?

• Ekle 5:4

• Ekle 11:4

• 1Kor 7:29-31

• Tiy 4:13, 14