OKUMI WEEKRISTU
Okhaviherya Waka Meecelo Ahu Aphaama
Achu annoona meecelo a Anamoona a Yehova. (1Ako 4:9) Nnaphwanela wiikoha mukhatiihu: ‘Apwanne masu aka ni saweera saka sinnamucicimiha Yehova?’ (1Pet 2:12) Mweeparipari hannachuna weera echu eri yoothene enahaala onanariha meecelo a Anamoona a Yehova yaawo anooniheryaaya ovinyerya khalai.—Ekl 10:1.
Mmikhalelo inacharela, murepele mukhalelo Mukristu onaphwaneleiye opharihela malakiheryo oophara muteko a Mpiipiliyani:
-
Vaavaa muchu ohiri Namoona onawaakhuleiyeeni ari oonyeenyeya
-
Soowara, moota naari ecika ni empa anyu enakhalaaya yooxuxaara
-
Vaavaa nlamulo na vanipuroni nnakhalaaya noohookololowa nave noovila wiiwelela
Ti mwawiihai anna anatholathola miyaha mu Etepartamentu ya Orepa enakhaviheryaaya mu meecelo ahu aphaama?
MOONE EXILEMA ACHU ANASIVELA NI OCICIMIHA EPARIPARI, NAVE VOOCHARELA MWAAKHULE NIKOHO NNACHARELA:
Tiheeni enootikhinihaani mu wiilipixerya wa marehereryo ntakhara orehererya miyaha siri soochuneya?