25 a Novempuru–1 a Tesempuru
SALMU 109-112
Ncipo 14 ni Nivekelo | Masu Oohulela (1 min.)
1. Mmukhaviherye Mwene, Yesu!
(10 min.)
Amanle oya wirimu, Yesu aahikiraathi o ntata noolopwana na Yehova (Sal 110:1; Sentinela, 1/9/2006, epaax. 13, epara. 6)
Mu 1914, Yesu aahipacerya waavootha amwiicani awe (Sal 110:2; Sentinela, 1/4/2000, epaax. 18, epara. 3)
Nnanwerya wiiveleela ni murima woothene wi nikhaviherye olamulelo wa Yesu (Sal 110:3; Benefecie-se, epaax. 76, epara. 2)
MWIIKOHE: ‘Soolakelela taani kinaphwanelaaka otikitherya wi kooniherye okhaviherya waka Omwene?’
2. Muhakhu Woomunepani
(10 min.)
-
Sal 110:4—Mutharihe nlakano nnalociwa mu eversikulu yeela. (Perspicaz, Vol. 2, epaax. 599, epara. 2)
-
Muhakhu taani woomunepani wa waalakhanyiwa wa Piipiliya wa esumana yeela munahaalaanyu osiveliwa okawana ni hiyaano?
3. Waalakhanyiwa wa Piipiliya
(4 min.) Sal 109:1-26 (th yoohuserya 2)
4. Opaceryiha Ovaanela
(2 min.) EMPA NI EMPA. Mpharihele etrataatu wi mpaceryihe ovaanela. (Waasivela achu, yoohuserya 4, epontu 3)
5. Mutharihe Soororomela Sanyu
(5 min.) Yawooniherya. Perguntas Frequentes 23—Muru: Por Que as Testemunhas de Jeová Não Participam em Guerras? (Waasivela achu, yoohuserya 4, epontu 4)
6. Waapaka Oohuserya
Ncipo 72
7. Nni Nikhaviherye Hai Omwene Moororomeleya?
(15 min.) Othokororya ni alipa oowiriyana.
Omwene wa Yehova ori yawooniherya yawi owo mulamuleli wirimu ni veelaponi yavathi. (Tan 2:44, 45) Mwawiihiiha, vaavaa nnakhaviheryaahu moororomeleya Omwene wa Muluku, nnaakiha otokweene wa Yehova.
Murumihe EXILEMA Omukhaviherya Moororomeleya “Muhooleli a Murecele.” Voocharela mwaakohe alipa oowiriyana:
-
Nnakhaviherya hai moororomeleya Omwene wa Muluku?
Murepele yoorepa emoha eniiwanana wa emoha ti emoha ya mikhalelo sa okhaviherya Omwene wa Muluku.
-
Weeriha Omwene okhala echu yoochuneyaxa mu okumi ahu.
-
Okhala mwawiiwanana ni malakiheryo aweela a Omwene.
-
Waaleela akina mwa mvai vooloca sa Omwene.
-
Nooniheryaka ncicimiho wa alamuleli a vanipuroni, nyenya nimwiiwelelaka Muluku vaavaa onakhalaayavo ohiiwanana variyari va nlamulo na Kaisara ni nlamulo na Muluku.
