NTAKHARA HEENI TI YOOCHUNEYA: Nimutakiheryaka Yesu, nnaphwanela ovaha onamoona waakhwanela wa eparipari vooloca sa yookhwela ya Muluku. (Yoh 18:37) Nnaphwanela tho ohakalalela eparipari, oloca eparipari, ni othokororya ichu soothene seeparipari, naamwi nikhalaka mu elapo esaren’ye wootha ni ohookololowa.—1Kor 13:6; Fil 4:8.

MUKHALELO WA WEERANO YEELA:

• Mukhale oolakelela ohiwiriyana naari ovuwiha sawootha.—1Tes 4:11

• Muhihakalale ni makacamiho a akina.

• Muhakalale ni ichu saphaama, ichu soolipiha.

MOONE EXILEMA ‘MUSIVELANEKE MUKINA NI MUKHWAWE’—MUHAKALALE, OHIYA NI SOOHOOKOLOLOWA, NYENYA NI EPARIPARI. NAVE MWAAKHULE MAKOHO ANACHARELA:

• Mmukhalelo taani Tepi oonihenryeiye ‘ohakalala ni sohokololowa’?

• Variyari va ochekula wa Alise ni Tepi, ti mwawiihai Alise okerinheiye ochekula iwo mu ichu saphaama?

• Tisivi siri ichu saphaama hiyaano nnaphwanelaahu olocaka?