Mikhalelo taani munaavyaanyu mu nthamwene? Mweeparipari munnavaha esisapo ororomeleya, ooreera murima, ni mahala. Yehova onnooniherya mikhalelo soothene seiha. (Muk 34:6; Saw 14:17) Owo onnoowiriyanaani vaavaa munavekelaanyu wa yoowo. Owo onnookhaviheryaani vaavaa munachunaanyu nikhaviheryo. (Sal 18:19, 35) Owo onnakhurumuwela soohesa sanyu. (1Yoh 1:9) Chiryene Yehova nthamwene oopwacha!

Muni nwerye hai okhala nthamwene a Yehova? Ohuserya vooloca sa yoowo moorweela mu waalakhanya Masu awe. Omuroromela yoowo. (Sal 62:8; 142:2) Mooniherye wi munnavaha esisapo ichu soochuneyaxa sa Yehova, hiihaa ntoko Mwanawe, Omwene awe, ni yoolaiherya awe yoomwaahiyu. Mwaaleele akina vooloca sa yoowo. (Malam 32:3) Wakhala wi mohunnuwiha onthamwene ni Yehova, owo onahaala okhala Nthamwene anyu okhala wookhala.—Sal 73:25, 26, 28.

MOONE EXILEMA AMIRAVO—“NKALAWIHANI, NAVE ONANI WI YEHOVA TAPHAAMA,” NAVE MWAAKHULE MAKOHO ANACHARELA:

• Muni mwiirehererye hai ntakhara wiiveleela ni opatiso?

• Mmukhalelo taani akina a mmulokoni eneeraaya yookhaviheryeeni omurumeela Yehova?

• Mmukhalelo taani muteko woolaleerya onalipihaaya onthamwene anyu ni Yehova?

• Ikari taani sa muteko wa Yehova sinaphwanyeya wi mpake?

• Tiheeni enoosivelaani vooloca sa Yehova?