Mulipa amapokha onaphwanela otitelela ovyakiha mwiili awe wi atitelele okhalano mavyakelo. Moolikana, nnaphwanela otitelela wiilipixerya ovyakiha owerya wahu wa osuwela. (Ahe 5:14) Naamwi nrino mathitimanelo a otakiherya soolakelela sa akina, nnaphwanela ovyakiha mukhalelo ahu wa wuupuwela ni opaka soolakelela mukhatiihu. Ntakhara heeni? Woona wi muchu ti muchu a hiyo onahaala oteexa murici awe.—Aro 14:12.

Hannaphwanela ororomela wi nnanwerya opaka soolakelela saphaama pahiru nthowa nawi sooviravo iyaakha sincipale nipatisiwe. Wi nipake soolakelela sa miruku, nnaphwanela omuroromela Yehova moomalela, Masu awe, vamoha ni marehereryo awe.—Yos 1:7, 8; Masi 3:5, 6; Mat 24:45.

MOONE EXILEMA “MUTITELELE OKHALANO YAWUUPUXERYA-YA-MURIMA YAPHAAMA,” NAVE VOOCHARELA MWAAKHULE MAKOHO ANACHARELA:

• Yoolakelela taani Emma aaphwaneleiye opaka?

• Ntakhara heeni nnaphwanela osepa oloca miyoonelo sahu vooloca sa miyaha seiho sinavolowela yawuupuxerya-ya-murima ya muchu mukhateiye?

• Nlakiheryo taani namiruku mutheli mmoha aakawanneiye vamoha ni Emma?

• Ti woowi Emma aaphwannyeiyewo sooleeliherya saamukhavihenrye mu nikacamiho nawe?