Vaavaa onakhalaaya woovila ophwanya muteko vyakala, onanwerya tho okhala woovila okuha Omwene wa Muluku ni wookololowa wawe mu nipuro noopacerya mu okumi ahu. Nnanwerya weehiwa weemererya muteko onahaala weeriha okhala woovila wa hiyo omurumeela Yehova naari oneeriha ohichariha malakiheryo a Mpiipiliyani. Mwawiihiiha, nnaphwanela ororomela wi Yehova onnooniherya ikuru sawe ‘wi aalipihe yaale aniiveleela mwa yoowo ni murima aya woothene.’ (2Math 16:9) Hinnaphwanela okhwa minikwa osivela wa Tiithi ahu wi onahaala onikhaviherya ni onivaha yeeyo nnachunaahu. (Aro 8:32) Mwa yeeyo, vaavaa nnapakaahu soolakelela vooloca sa muteko, nnaphwanela omuroromela Yehova ni otitelela otikitheryeya mmuteko awe.—Sal 16:8.

MOONE EXILEMA MULAPE NI MURIMA WOOTHENE NTAKHARA YEHOVA, NAVE VOOCHARELA MWAAKHULE MAKOHO ANACHARELA:

• Ntakhara heeni Jason aakhooca weemererya makhwankwa?

• Ti mwawiihai Kolosi 3:23 onaphariheleyeiye wa hiyo?

• Ti mwawiihai yootakiherya yaphaama ya Jason yaamvolowenlaaya Thomas?

• Ti mwawiihai Mateu 6:22 onaphariheleyeiye wa hiyo?