Vaavaa oosiveliwaahu onakhweiye nnanwerya ophwanya nlipiho mu ewehereryo ya ovinya mookhwani. Naamwi hiihaa, yoocheka ni okhwa ori ntoko otakhaliwa yoowo onanivolowela oothene ahu. (Isa 25:7, 8) Nla nthowa nimoha nneeriha ‘soopatushiwa soothene wuupulela vamoha ntoko masooso ooyara.’ (Aro 8:22) Nni niwerye hai ovilela ni omuyeleela oosiveliwaahu mookhwani ophiyerya elukuluku yeeyo ovinya mookhwani onahaalaaya waakhwanela? Mmasu a Muluku annaphwanyeya malakiheryo yaawo anahaala onikhaviherya.

MOONE EXILEMA VAAVAA OOSIVELIWAAHU ONAKHWEIYE, NAVE VOOCHARELA MWAAKHULE MAKOHO ANACHARELA:

• Osooseya taani Danielle ni Masahiro ni Yoshimi yaahoolenlaaya?

• Sooleeliherya taani mithanu soophara muteko seiho saakhavihenrye?

• Taani ori ehime etokweene ya nlipiho?—2Kor 1:3, 4