Oothene ahu ikwaha ikina ninnathanana. Othanana henataphulela wi hinaanono nroromelo wa Yehova. Ikwaha ikina, Yehova ohooniherya othanana. (Map 6:5, 6) Wakhala wi ninnakhala oothanana mu elukuluku yoothene tiheeni nnaphwanelaahu weera?

Mwaavye Nikhaviheryo na Yehova mu Nivekelo. Yehova ori awuukhuwa ni okhala wahu phaama mmuupuweloni ni mukhalelo nniisoonaahu. Owo onnasuwela vaavaa nnakhalaahu oohakalala ni oothanana. Owo onnasuwela yeeyo nnuupuwelaahu ni mukhalelo nniisoonaahu. (Sal 7:9) Echu yoochuneyaxa, ti yawi Yehova onnanthokororya nave onanwerya onikhaviherya owaniha ni nikacamiho na mmuupuweloni vamoha ni othanana.—Sal 34:18.

Mukhapelele muupuwelo anyu. Miyuupuwelo soonanara inanwerya ovolowela moonanara ohakalala wahu ni malapelo ahu. Wa nthowa na yeela nnaphwanela okhapelela murima ahu ni—omuchu ahu wa mpuwa.—Mas 4:23.

MOONE EXILEMA ANNA NI AROKORA AHU ANAPUHA HAI MURECELE, NAVE VOOCHARELA MWAAKHULE MAKOHO ANACHARELA:

• Ichu taani soophara muteko Niki opankeiye wi imukhaviherye ovootha nikacamiho na mmuupuweloni?

   

• Ntakhara heeni Niki ahoona wi aanachuna waavya nikhaviheryo na mameetiku?—Mat 9:12

   

• Timwawihayi Niki aamuroromenleiye Yehova wi amukhaviherye?