16-22 a Setempuru
SALMU 85-87
Ncipo 41 ni Nivekelo | Masu Oohulela (1 min.)
1. Nivekelo Ninnanikhaviherya Ovilela
(10 min.)
Mumveke Yehova wi oovaheeni ohakalala (Sal 86:4)
Mumveke Yehova wi ookhaviheryeeni otitelela okhala oororomeleya (Sal 86:11, 12; Sentinela, 15/5/2012, epaax. 25, epara. 10)
Muroromele wi Yehova onahaala waakhula mavekelo anyu (Sal 86:6, 7; Mulipeleli, 05/2023, epaax. 13, ipara. 17-18)
MWIIKOHE: ‘Vaavaa kinahoolelaaka makacamiho, apwanne kinnavekela wiiliwiili nave mavekelo aka toorakama?’—Sal 86:3.
2. Muhakhu Woomunepani
(10 min.)
-
Sal 86:11—Nivekelo na Tavite nnanleela eheeni vooloca sa murima wa muchu? (Perspicaz, Vol. 1, epaax. 556, epara. 5)
-
Muhakhu taani woomunepani wa waalakhanyiwa wa Piipiliya wa esumana yeela mwaahaalaanyu osiveliwa okawana ni hiyaano?
3. Waalakhanyiwa wa Piipiliya
(4 min.) Sal 86:1–87:7 (th yoohuserya 12)
4. Opaceryiha Ovaanela
(3 min.) OLALEERYA WOOHILAKELELA. Mvahe yoohuserya ya Piipiliya. (Waasivela achu, yoohuserya 3, epontu 5)
5. Ovaanela Woocharela
(4 min.) OLALEERYA WOOHILAKELELA. Mvahe yoohuserya ya Piipiliya wa muchu yoowo oonihenrye wuukhuwa mu yaweereya yahiihaanoru. (Waasivela achu, yoohuserya 7, epontu 4)
6. Waapaka Oohuserya
(5 min.) Mpuhe Okumi, Mwaha 15, epontu 5. Mpake marehereryo awi oohuserya anyu ayeno vahoolo yoohuserya awe naamwi nyuwaano murakamenle. (Waasivela achu, yoohuserya 10, epontu 4)
Ncipo 83
7. Muhivelavele
(5 min.) Othokororya ni alipa oowiriyana.
Moonihe EXILEMA. Voocharela, mwaakohe alipa oowiriyana:
-
Ntakhara heeni ikwaha ikina nnanwerya ohikhalano nchuno na okhuma mmuteko woolaleerya?
-
Ntakhara heeni hannaphwanela ovelavela?
8. Mutitelele Ovahaka Soohuserya sa Piipiliya!
(10 min.) Othokororya ni alipa oowiriyana.
Apwanne nyuwaano moopaceryiha yoohuserya ya Piipiliya mumpharihelaka Mpuhe Okumi Okhala Wookhala! variyari va mukipici wavameekhaaya wa mweeri yoola? Waakhanle wi tihiiha, nyuwaano munaphwanela okhala oosiveliwa! Akhweya akina tho annalipiheya moorweela wa sookhumelela sanyu. Vakina vaya, waakhanle wi nlelo hampaceryinhe yoohuserya ya Piipiliya akhweya munnawerya wiikoha waakhanle wi chiryene wiilipixerya wanyu onnakumiherya mphurelo. Tiheeni munaphwanelaanyu weera wakhala wi munnoona wi hamunasiveliwa ni sookhumelela sanyu?
Murumihe EXILEMA “Ninniiseemererya Ntoko Anamuteko a Muluku . . . Moorweela wa Opixa Murima”—Vaavaa Munalaleeryaanyu. Voocharela mwaakohe alipa oowiriyana:
-
Ti mwawiihai 2 Akorintu 6:4, 6 onahaaleiye onikhaviherya wakhala wi nihiku nikina muteko ahu woolaleerya oneeraaya wooneye ntoko “nlici nooripa”?
-
Matorokelo taani mwaahaalaanyu opaka wakhala wi mohoona wi wiilipixerya wanyu wa opaceryiha yoohuserya ya Piipiliya honakumiherya mphurelo?
Muupuwele wi, ohakalala wahu honarweela mu waaca wa soohuserya sa Piipiliya seiyo nipaceryinhaahu naari nneecihaahu. Ohiya yeeyo, ohakalala yookhumelela ya osuwela wi Yehova onnasiveliwa ni wiilipixerya wahu. (Luka 10:17-20) Mwawiihiiha, mutitelele opaka makupa mmukipici yoola wavameekhaaya ni murima woothene, musuwelaka wi “muteko anyu wakuru mwa Apwiya tahi wa siiyo”!—1Ako 15:58.
