7-13 a Otupuru
SALMU 92-95
Ncipo 84 ni Nivekelo | Masu Oohulela (1 min.)
1. Omurumeela Yehova Mukhalelo Waphaama wa Okumi!
(10 min.)
Yehova onnaphwanela waakhela omulapela wahu (Sal 92:1, 4; Mulipeleli, 04/2018, epaax. 28, epara. 5)
Owo onnaakhaviherya achu awe opaka soothanla ni okhala oohakalala (Sal 92:5; Mulipeleli, 11/2018, epaax. 23, epara. 8)
Owo onnaareeliha yaale anamurumeela namwi yuuluvanle (Sal 92:12-15; Mulipeleli, 01/2020, epaax. 19, epara. 18)
MWIIKOHE: ‘Tiheeni enakihiiha wiiveleela wa Yehova wi kipatisiwe?’
2. Muhakhu Woomunepani
(10 min.)
-
Sal 92:5—Ti mwawiihai masu yaala anooniheryaaya phaama masuwelelo a Yehova? (Achegue-se, epaax. 176, epara. 18)
-
Muhakhu taani woomunepani wa waalakhanyiwa wa Piipiliya wa esumana yeela mwaahaalaanyu osiveliwa okawana ni hiyaano?
3. Waalakhanyiwa wa Piipiliya
(4 min.) Sal 94:1-23 (th yoohuserya 5)
4. Opaceryiha Ovaanela
(4 min.) OLALEERYA WOOHILAKELELA. Mwaavye ekari wi mmuleele muchu vooloca sa muteko yoowo nyuwaano munapharaanyu ntoko muhusiha a Piipiliya. (Waasivela achu, yoohuserya 5, epontu 3)
5. Ovaanela Woocharela
(3 min.) OLALEERYA WOOHILAKELELA. Mvahe yoohuserya ya Piipiliya wa muchu yoowo oonihenrye nchuno nyenya aakhonce wuupaceryani. (Waasivela achu, yoohuserya 8, epontu 4)
6. Waapaka Oohuserya
(5 min.) Ovaanela ni oohuserya a Piipiliya yoowo ohinaya vahoolo. (Waasivela achu, yoohuserya 12, epontu 5)
Ncipo 5
7. Vaavaa Wuukhuwa Onaavolowelaaya Amiravo
(15 min.) Othokororya ni alipa oowiriyana.
Yaale anamurumeela Yehova hari ootaphuwa mu sawuukhula. Ntoko yootakiherya, Tavite ahihoolela sawuukhula mu ilukuluku soohiyanahiyana mu okumi awe hiiha ntoko annihu olelo. (Sal 13:2; 139:23) Moothananiha, ophiyerya tho amiravo annavoloweliwa. Vakina vaya, wuukhuwa onanwerya weeriha miteko sawunlaana ntoko oya oxikola naari opwanyeya mmithukumano sa muloko, okhala echu yoovelaveliha. Enanwerya oruuhela woova ophiyera tho muupuwelo oochuna wiisiipha.
Amiravo, wakhala wi ilukuluku ikina munniisoona okhala awuukhuwaxa, mmwaavye tiithi naari awinnuwelavo awiichelavo omunepani. Mweemererye wi nyuwaano tho munnamwaavya Yehova wi mpwanye nikhaviheryo. (Afi 4:6) Owo onamookhaviheryaani. (Sal 94:17-19; Yes 41:10) Muthokororye yootakiherya ya Steing.
Murumihe EXILEMA Elukuluku Yoothene Yehova Onnakikhapelela. Voocharela mwaakohe alipa oowiriyana:
• Yoorepa taani ya Mpiipiliyani yamukhavihenrye Steing, nave ntakhara heeni?
• Ti mwawiihai Yehova aamukhapelenleiye yoowo?
Asitiithi, nyuwaano munanwerya waakhaviherya anamwane anyu ovootha wuukhuwa moorweela mwa waawiriyana yaawo moopixa murima, owooniherya osivela mwaakhaviheryaka wunnuwiha nroromelo ni osivela waya wa Yehova. (Titu 2:4; Tiy 1:19) Mmuroromele Yehova wi oovaheeni nihakararyo ni nlipiho vamoha ni ikuru wi nwerye waavakulela anamwane anyu.
Nnanwerya ohisuwela waakhanle wi munnihu mmulokoni onnahoolela wuukhuwa woovilaxa naari wiiwexexa mukhalelo oniisooneiye. Namwiihiiha, nnanwerya okhaviherya neerihaka wi muchu ori oothene mmulokoni iisooneke okhala oosiveliwa ni aweemereryiwa.—Mas 12:25; Ahe 10:24.
