Paulo ni Sila yaamucicimiha Yehova ni macipo vaavaa yaaryaaya mukariposo. (Saw 16:25) Moohikhwa minikwa, wiipa waahaalipiha wi etitelele ovilela. Hanka vooloca sa mahiku ahu yaala? Macipo anaphariheliwa mmalapelo ahu vamoha ni macipo avameekhaaya, ananwerya onilipiha omunepani ni onikhaviherya otitelela okhala oororomeleya variyari va makacamiho. Ohiya yeeyoru, awo annamucicimiha Yehova. (Sal 28:7) Ninnaceenyeryiwa okuha mmuruni masu a macipo ahu. Apwanne moheererya weerano yeeyo? Variyari va malapelo ahu a echoko, nnanwerya wiipa wi niikhovelelihe.

MOONE EXILEMA ANAMWANE ANNAMUCICIMIHA YEHOVA NI NCIPO, NAVE VOOCHARELA MWAAKHULE MAKOHO ALA:

• Mphurelo taani nnakhalaahuno moorweela wa wiipa macipo a omwene?

• Nikhuuru na Audio/Video nniirehererya hai wi yaakaravaare anna yiipaka?

• Ti mwawiihai anamwane vamoha ni asitiithi aya aniirehereryaaya?

• Ncipo taani na Omwene nnoosivelani vancipale, nave ntakhara heeni?