Mu ikwaha sincipale, alamuleli annaakhaviherya achu a Yehova. (Esd 6:1-12; Est 8:10-13) Ophiyeryatho mmahiku ahu yaala, ninnoona wi “echaya”—alamuleli a elapo yeela yaawo ari ooreera murima—annamirya “mihice” sa wiikara seiho inatannyiwa ni “enowa,” Satana Musaserya. (Wup 12:16) Yehova, “Muluku oonivulusha,” onnanwerya oweeriha alamuleli weeravo echu wi yaakhaviherye achu awe.—Sal 68:20; Masi 21:1.

Vano, hanka wakhala wi moowaleliwa nthowa na nroromelo nanyu? Muhirwe mukhwe minikwa wi Yehova onnawoonaani. (Map 39:21-23; Sal 105:17-20) Musuwele wi munahaala omwaakhela phatamari nthowa na nroromelo nanyu nave wi ororomeleya wanyu onnaalipiha anna akina orukurerya elapo.—Fil 1:12-14; Wup 2:10.

MOONE EXILEMA ANNA O KOREYA YAAWO AKUMIHIWE MUKARIPOSO, NAVE MWAAKHULE MAKOHO ANACHARELA:

• Ntakhara heeni moovira wa iyaakha macikhwi macikhweene a anna yaawaleliwa o Koreya Oohico?

• Soolakelela taani sa alipa oothoriha seerinhe wi annihu akina ehuleliwe mwawaakuveya?

• Nni naakhaviherye hai annihu yaawo hiihaano ari mukariposo nthowa na nroromelo naya?

• Nni nipharihele hai phaama otaphuwa yoowo nryaahuno hiihaano?

• Taani ori mwaneene a ovootha woothene nnakhalaahuno?