Mpwanne nyuwaano mookhalano iyaakha variyari va 23 naari 65 nave muri mmuteko wa elukuluku yoothene? Mookhalano ekumi yaphaama, nave muri ooreheryeya wi mwarumeele weiwo oriwo othowa otokweene? Waakhanle wi mwaakhunle aai wa makoho oothene yaala, mano mohuupuwela Ovolowa mu Exikola ya Alaleeryi a Omwene? Nyenya wa ekalaasi yoopacerya, masana khumi a atheli, anna vamoha ni arokora ari aciye aavolowa mu exikola yeeyo. Nyenya tho, hiyaano ninnaachuna anna ni arokora ancipale ari aciye wi erwe yaakhele ovyakihiwa. Mumveke Yehova wi aaceererye nchuno nanyu na omuhakalaliha ni omutakiherya Mwanawe. (Sal 40:8; Mat 20:28; Ahe 10:7) Nyenya muthokororye mukhalelo munahaalaanyu ovukula muteko anyu naari miteko sa nihiku nnihiku wi mphwanelele.

Ikari taani sa miteko sinahuleya wa yaale anakwaaxa exikola, ni emanle waakhela ovyakihiwa? Akina akwaanxe exikola aarumihiwa wi yarumeele makupa weiwo ilocelo ikina sinalociwawoxa naari oya ovaha onamoona wa vameekhaaya mu ipooma itokweene. Akina anakwaasa ohoolo waya annarumeela ntoko araceeli a ooweherya a ekulucu, ooweherya a ekulucu, naari muteko woomisiyonaario. Wakhala wi munnachuna opaka sincipale mmuteko wa Yehova, nyuwaano munaphwanela okhalano moonelo mmohamoha wa mulipa a miririmu Isaiya: “Miyo kiri va! Mukirume!”—Isa 6:8.

MOONE EXILEMA MUTEKO WOOMISSIONARIYO—ANAMALAPA  MMUTEKO WA OHEPHA, VOOCHARELA MWAAKHULE MAKOHO ALA ANACHARELA:

• Mano mamisiyonaariyo anathanliwa hai?

• Muteko taani waphaama mamisiyonaariyo anapharaaya?

• Taavi ari mareeliho a muteko woomisiyonaario?