Mateu ecima 8 ni 9 onaloca sa muteko woolaleerya wa Yesu opooma yo Kalileya. Vaavaa Yesu aapenunxeiye achu, owo ooniherya owerya wawe, nyenya echu yoochuneyaxa owo oonihenryeiye, waari osivela wawe otokotoko ni omoriwa ikharari ni achu.

1. Yesu aampenuxa mulipa a mareca.​—Mat 8:1-3.

2. Yesu aampenuxa kapuro a mutokweene aanakhoco.​—Mat 8:5-13.

   Owo aahaapenuxa apwiyamwana a Petro.​—Mat 8:14, 15.

   Owo aahiikara masololo ni waapenuxa achu yaahooxeya ni ireca.​—Mat 8:16, 17.

3. Yesu aahiikara masololo akuru, alamulela wi evolowe mukupani. —Mat 8:28-32.

4. Yesu aampenuxa muchu ananceeche.​—Mat 9:1-8.

   Owo aampenuxa muthiyana mmoha yoowo aaphanre niveru na yoowara awe, nave aamviiha mookhwani mwaana amwaamuthiyana a Xairo.​—Mat 9:18-26.

   Owo aampenuxa muchu yoowo aari eevaasi ni oohiloca.​—Mat 9:27-34.

5. Yesu aviraka mmapoomani ni mmicecheni, aanaapenuxa achu yaarino ireca ni masooso oohiyanahiyana.​—Mat 9:35, 36.

Kini kooniherye hai osivela otokweene ni omoriwa ikharari ntakhara achu?