Hiihaa ntoko Yehova aarehenreiye Aisarayeli, owo onnaarehererya achu awe olelo wi epake yoochuna awe. Orukurerya elapo, ifiliyale, ikulucu, miloko, ni makhuuru oothene a muteko woolaleerya analapa vamoha wi elaleerye michaka saphaama. Hiyaano ninnalaleerya wa achu oothene, ophitaanyerya yaale analoca elocelo ekina.—Wup 14:6, 7.

Mohintoko wuupuwela ohuserya elocelo ekina wi mwaakhaviherye akina ohuserya eparipari? Naamwi nyuwaano muhiweraka okhalano elukuluku ya ohuserya elocelo ekina, munanwerya ompharihela aplikativo JW Language wi muhuserye opaceryiha mmukhalelo wookhweya. Nyenya, mmanle weerano yeeyo mmuteko woolaleerya, nyuwaano munahaala opuha ohakalala yoowo annihu a nsana noopacerya yaaryaayano, vaavaa achu oorweela mu ilapo ikina yaatikhinihen’yaaya owiiwa awo “elotxaka sotikiniha sa Muluku” mu elocelo aya.—Saw 2:7-11, BNM.

MOONIHE EXILEMA MUKHALE NTHAMWENE A YEHOVA—OLALEERYA MU ELOCELO EKINA , NAVE VOOCHARELA MWAAKHULE MAKOHO ALA ANACHARELA:

• Ti liini munahaalaanyu ompharihela aplikativo JW Language?

• Mikhalelo taani mikina sinachuneya?

• Elocelo taani achu analocaaya mu ekulucu anyu?

• Tiheeni munaphwanelaanyu weera wakhala wi muchu oonihenrye nchuno na michaka sa Omwene onaloca elocelo ekina?—od ipaax. 100-101 ipara. 39-41