Yehova onnawoonaani okhala oochuneyaxa. (Isa 43:4) Owo ohookerihaani wa yene ni mmarehereryo awe. Ntoko yookhumelela ya wiiveleela wanyu ni opatisiwa, nyuwaano mwa a Yehova. Owo onahaala wookhapelelaani ntoko muhakhu awe woochuneya, naamwi mu ilukuluku soovila. Owo onahaala wooniherya osivela woororomeleya wa nyuwo orweela wa marehereryo awe.—Sal 25:10.

Nnanwerya waaceererya othamalela wahu osivela woororomeleya wa Yehova moorweela wa woona mukhalelo marehereryo a Yehova anaakhulelaaya ipahu seiho sineereya hiihaano.

MOONE EXILEMA YOOLOKOHA YA NIKHUURU NA AHOOLELI YA 2019, NAVE VOOCHARELA MWAAKHULE MAKOHO ANACHARELA:

• Ti mwawiihai Nikhuuru na Ahooleli nnarehereryaaya ifiliyale orukurerya elapo wi iwerye ovirelela ipahu sa maphacuwelo?

• Ti mwawiihai marehereryo a Yehova yaavaherenryaaya ohoolela ni nikhaviheryo wa ipahu seeren’ye o Intonesiya ni o Nixeriya?

• Tiheeni enootikhinihaani vooloca sa mukhalelo marehereryo anaakhulelaaya epahu ya Koronaviru?