Mithukumano sa muloko makupa oochuneyaxa mmalapelo aweela. (Sal 22:22) Oothene yaale anathukumana wi emulapele Yehova annaphwanya ohakalala ni mareeliho. (Sal 65:4) Wiiliwiili oohuserya a Piipiliya annaya vahoolo vaavaa awo anaphiyaaya mmithukumano moohihiyererya.

Muni mwaakhaviherye hai oohuserya anyu a Piipiliya ophiya mmithukumano? Mutitelele waawopa wi ephiye mmithukumano. Nwoonihe exilema Tiheeni Eneereya mu Empa ya Omwene? Mutharihe miphurelo sa mithukumano. (lff mwaha 10) Nyuwaano munaphwanela waaleela iponto soochuneya seiho muhusenryaanyu mmithukumano naari waaleela yeeyo enaya othokororyiwa mmuthukumano onacharela. Mumvahe oohuserya anyu soolaleeryiwa seiho sinahaala ophariheliwa. Nave tho, mvahe nikhaviheryo noophara muteko. Akhweya awo anamuchuna nikhaviheryo wi ephiye mmithukumano. Wiilipixerya woothene onahaala okumiherya mphurelo vaavaa oohuserya onahaaleiye ophiya mmithukumano mu ekwaha yoopacerya.—1Kor 14:24, 25.

MOONE EXILEMA MWAAKHAVIHERYE OOHUSERYA ANYU A PIIPILIYA OPHWANYEYA MMITHUKUMANO, NAVE VOOCHARELA MWAAKHULE MAKOHO ANACHARELA:

• Ekari taani Nita aapharihenleiye wi anwope Flora wi aphiye mmithukumano sa muloko?

• Ntakhara heeni ninnahakalala vaavaa oohuserya a Piipiliya onaphiyeiye mmithukumano?

• Tiheeni Flora oonneiye vaavaa owo aaphin’yeiye mmithukumano mu ekwaha awe yoopacerya?