29 a Yaneru–4 a Fevereru
YUPU 40-42
Ncipo 124 ni Nivekelo | Masu Oohulela (1 min.)
1. Tiheeni Nnahuseryaahu Orweela wa Yaweereya ya Yupu?
(10 min.)
Muupuwele wi Yehova toosuwelaxa onipwaha hiyo (Yupu 42:1-3; Sentinela, 15/10/2010, ipaax. 3-4, ipara. 4-6)
Mukhale ooreheryeya waakhela ekano ya Yehova ni marehereryo awe (Yupu 42:5, 6; Mulipeleli, 6/2017, epaax. 18, epara. 12)
Yehova onnaareeliha yaale anatitelela okhala oororomeleya wa yoowo naamwi ehoolelaka makacamiho (Yupu 42:10-12; Tiy 5:11; Mulipeleli, 06/2022, epaax. 25, ipara. 17-18)
Yehova aahimureeliha Yupu nthowa na ororomeleya wawe
2. Muhakhu Woomunepani
(10 min.)
-
Yupu 42:7—Taani chiryene yaamootheryaaya asinthamwene araru a Yupu, nave osuwela yeela enanikhaviherya hai ovilela sawootha? (Perspicaz vol. 2, epaax. 831)
-
Muhakhu taani woomunepani wa waalakhanyiwa wa Piipiliya wa esumana yeela mwaahaalaanyu osiveliwa okawana ni hiyaano?
3. Waalakhanyiwa wa Piipiliya
(4 min.) Yupu 42:1-17 (th yoohuserya 11)
4. Opaceryiha Ovaanela
(3 min.) EMPA NI EMPA. Muchu owo orino sookhovelela soohiyana ni sawinyu. (Waasivela achu, yoohuserya 5, eponto 3)
5. Waapaka Oohuserya
6. Mwaha
(4 min.) Waasivela achu, Apentise 1, eponto 2—Muru: Elapo Yavathi Herwa Etoloxiwa. (th yoohuserya 13)
Ncipo 108
7. Mwaakhaviherye Akina Woona Osivela wa Yehova
(15 min.) Muthokororye vamoha ni alipa oowiriyana.
Ninnahakalala omulapela Muluku yoowo ori mwaneene a osivela. (1Yoh 4:8, 16) Mukhalelo wa osivela wa Yehova onnanaacameliha wa yene nave onnanceenyerya okhala vakhiviru vawe. Ntoko alapeli a Yehova, oothene ahu ninnoona osivela Wawe ntakhara hiyo.
Ninnapaka owetha wahu wi ntakiherye osivela wa Yehova moorweela wa mukhalelo nnaakhalihaahu achu a veemusini vahu, anna ni arokora ahu ni akina. (Yupu 6:14; 1Yoh 4:11) Vaavaa nnooniheryaahu osivela, ninnaakhaviherya achu omusuwela Yehova ni omwaacamela yoowo. Nyeenya wakhala wi hinnooniherya osivela wa akina, onanwerya okhala woovila wa yaawo osuwela wi Yehova onnaasivela.
Moonihe EXILEMA Noophwanya Osivela Weekristu mu Emusi ya Yehova. Voocharela mwaakohe alipa oowiriyana:
Tiheeni muhusenryaanyu orweela wa yaweereya ya Lei Lei ni Mimi vooloca sa ochuneya waya wooniherya osivela?
Tiheeni nnaphwanelaahu weera wi naakhaviherye anna ni arokora ahu woona osivela wa Yehova?
-
Nwooneke awo ntoko ipucepuche soochuneya sa Yehova.—Sal 100:3
-
Muloceke ni yaawo mmukhalelo woolipiha.—Aef 4:29
-
Mweererye wiiwexexa mukhalelo aniisoonaaya.—Mat 7:11, 12
