Munaphwanela okhalano nroromelo wi muthaame mu empa anyu muyaaka nipuro nivyaani wi mwapake sincipale mmuteko anyu woolaleerya. (Ahe 11:8-10) Waakhanle wi munnuupuwela vooloca sa othaamela weiwo oriwo othowa otokweene, muloce ni atokweene a muloko anyu. Ichu taani munaphwanelaanyu opaka wi musuwele waakhanle wi yoolakelela eyo ti yoophwanelela nnipuro muneeraanyu muthanle? Muthokororye soolaleeryiwa sahu seiho sinaloca sa orumeela weiwo oriwo othowa otokweene. Muloce ni yaale arino sookhumelela saphaama vooloca sa othaamela muloko mukina. (Masi 15:22) Mwaavye ohoolela wa Yehova moorweela wa nivekelo. (Tiy 1:5) Muhuserye sincipale vooloca sa nipuro nenlo muthanlilaanyu, nave wakhala wooweryeya, muxekurye nipuro nlo ikwaha sincipale ohiya pahiru mahiku vakhaani muhaakumve olakelela.

MOONE EXILEMA MVOLOWE MULAKO WA MITEKO MU NROROMELO—OTHAAMELA WEIWO ORIWO OTHOWA OTOKWEENE, NAVE VOOCHARELA MWAAKHULE NIKOHO NLA:

• Makacamiho taani Kapriyele aavoontheiye, nave tiheeni yaamukhavihenrye?