29 a Yulyu–4 a Akostu
SALMU 69
Ncipo 13 ni Nivekelo | Masu Oohulela (1 min.)
1. Ti Mwawiihai Ichu Seiyo Seeren’ye mu Okumi wa Yesu Saahiloheryiwa mu Salmu 69
(10 min.)
Yesu aahiiciwa ohirivo nthowa (Sal 69:4; Yoh 15:24, 25; Sentinela, 15/8/2011, epaax. 11 epara. 17)
Yesu aari a mvai mu olapela weeparipari (Sal 69:9; Yoh 2:13-17; Sentinela, 15/12/2010, epaax. 8 ipara. 7-8)
Yesu aahooxeya mmuupuweloni nave aahivahiwa eviinyu yoosukumana (Sal 69:20, 21; Mat 27:34; Luka 22:44; Yoh 19:34; Despertai, 22/10/1995, epaax. 31 epara. 4; Perspicaz, Vol. 2, epaax. 660)
WI MUUPUWELE: Ntakhara heeni Yehova aahiphitaanyerya sooloherya vooloca sa Mesiya mu Soorempwa sa Ehepri?
2. Muhakhu Woomunepani
(10 min.)
-
Sal 69:30, 31—Ti mwawiihai iversikulu seiya inahaalaaya onikhaviherya orehererya mukhalelo wa mavekelo ahu? (Sentinela, 15/1/1999, epaax. 18 epara. 11)
-
Muhakhu taani woomunepani wa waalakhanyiwa wa Piipiliya wa esumana yeela mwaahaalaanyu osiveliwa okawana ni hiyaano?
3. Waalakhanyiwa wa Piipiliya
(4 min.) Sal 69:1-25 (th yoohuserya 2)
4. Opixa Murima—Tiheeni Yesu Opankeiye?
(7 min.) Othokororya ni alipa oowiriyana. Moonihe EXILEMA, nave voocharela, muthokororye Waasivela achu, yoohuserya 8, ipontu 1-2.
5. Opixa Murima—Mmutakiherye Yesu
(8 min.) Othokororya onathipeleya mu Waasivela achu, yoohuserya 8, ipontu 3-5 nave “Moone Tho.”
Ncipo 134
6. Soothowa Sa Muloko
(5 min.)
7. Malakiheryo Ntakhara Malapelo a Echoko Ooxekuwa
(10 min.) Othokororya ni alipa oowiriyana.
Mu Yaneru a 2009, Yoohuserya ya Liivru a Muloko yaahiphitaanyeryiwa vamoha ni Exikola ya Orummwa Woomuluku ni Muthukumano wa Orummwa, okhala muthukumano mmoha wa veeri va esumana. Seiya saanakhaviherya ichoko wi oxekuwa ori woothene inakhalano marehereryo a muchu mukhateiye ntakhara malapelo a echoko. Ancipale ahooniherya othamalela wa marehereryo yaala apakiwe wi yaakhaviherye omwaacamela Yehova ni wa mukina ni mukhwaawe.—Malam 6:6, 7.
Taavi ari malakiheryo makina anahaala waakhaviherya ahooleli a ichoko weeriha malapelo aya a echoko okhumelela phaama?
-
Mweerekeno moohihiyererya. Wakhala wooweryeya, mukhaleno elukuluku yoolakeleliwa ntakhara malapelo a echoko esumana ti esumana. Wakhala wi yoheereya echu yoohiwehereryeya, mukhale ooreheryeya otoroka malapelo a echoko wa nihiku noocharela
-
Orehererya. Mwaakohe amwaarinyu nave ilukuluku ikina mwaakohe anamwane anyu miyoonelo saya. Wiirehererya honachuneya okhala otokweene, xaxaxa wakhala wi emusi enasiveliwa opaka miteko imohamoha seiyo esumana yoothene
-
Mpake marehereryo ni emusi anyu. Vaavaa anamwane anannuwaaya, soothowa saya ni mavyakelo aya ennatorokeya. Marehereryo anyu enaphwanela omukhaviherya mmoha ti mmoha a mu echoko anyu wunnuwa omunepani
-
Khalani oosivela ni ootaphuwa. Ikwaha ikina, muthokororyeke yoohuserya anyu vanlakani vene wakhala wi etemperatura yookhala phaama. Mukhale ootaphuwa wiichuwa waakhala woochuneya. Naamwi ori waphaama othokororya makacamiho yaawo anamwane anyu anahoolelaaya, muhipharihele malapelo a echoko wi mwaasamele naari waalaka
-
Muhiyaniheke. Ntoko yootakiherya, nikupa nanyu munanwerya ophitaanyerya orehererya yeeyo munahaalaanyu weera mmuthukumano woocharela, woona ni othokororya exilema ya mu jw.org ni okhalano makupa oochuneya ntakhara muteko woolaleerya. Naamwi ovaanela ophwanelaka okhala echu etokweene mu malapelo a echoko ooxekuwa, enanwerya tho ophitaanyeriwa elukuluku wi achu a veechokoni eloce yeeyo ehusenryaaya
Muthokororye nikoho nla:
-
Ti mwawiihai nyuwaano mweerenryaanyu opharihela malakiheryo mu malapelo anyu a echoko?
