Asitiithi anamusivela Muluku, annasiveliwa owoona anamwane aya ekhalaka akapuro oororomeleya a Yehova. Asitiithi ananwerya waakhaviherya awo moorweela wa otikitherya mahusiheryo a Piipiliya mmurimani mwa anamwane aya ovinyerya woonamwane. (Malam 6:7; Masi 22:6) Apwanne ti wookhweya? Hooye, onachuneya wiilipixerya! Nyenya mareeliho annapwaha wiilipixerya ori woothene.—3Yoh 4.

Asitiithi ananwerya ohuserya sincipale moorweela wa Yosefe ni Mariya. Ntoko yookhovelela aya, awo “iyakha sothene yànaya o Yerusalemu wa mahiku a Paska,” naamwi waavolowela wiilipixerya ni oyeeha ikhorowa. (Luka 2:41) Moohikhwa minikwa, awo yaanakuha soothowa soomunepani sa echoko mu nipuro noopacerya. Moolikana, asitiithi olelo anaphwanela waathoonyerya anamwane aya mu ephiro yaphaama, moorweela wa opharihela ekari eri yoothene wi yaahusihe moorweela wa masu ni yootakiherya.—Sal 127:3-5.

MOONE EXILEMA AWO YAANAPHARIHELA IKARI SOOTHENE, NAVE MWAAKHULE MAKOHO ANACHARELA:

• Ti mwawiihai Yohani ni Sara yaakunhaaya mu nipuro noopacerya soothowa sa omwene variyari va waaphuwa anamwane?

• Ntakhara heeni asitiithi anaphwanelaaya othanlela mahusiheryo mwawiiwanana ni soothowa sa mwaana ti mwaana?

• Asitiithi eni ewerye hai waakhaviherya anamwane aya wi evoothe saweeha sa nroromelo?

• Ikaruma taani sa marehereryo a Yehova mwintonkaanyu opharihela wi mwaakhaviherye anamwane anyu oya vahoolo omunepani?