Yesu oonivaha yootakiherya yaphaama, xaxaxa vaavaa nnakumanaahuno makacamiho naari wiikariwa. (1Ped 2:21-23) Naamwi achu yamuruwana Yesu, owo haakookiherya ni oruwana, naamwi ahaalaka ohooxiwa. (Mar 15:29-32) Tiheeni yaamukhavihenrye ovilela? Owo aari oolakelela weera yoochuna ya Yehova. (Yoh 6:38) Owo tho aatikitherya muupuwelo awe mu “ohakalala” aahaaleiye waakhela.—Ahe 12:2.

Tiheeni nneeraahu wakhala wi noheereliwa yoonanara nthowa na nroromelo nahu? Akristu eeparipari hanaliva “yonanara ni yonanara.” (Aro 12:14, 17) Wakhala wi ninnatakiherya mukhalelo Kristu aavilenleiye ohooxiwa, nnanwerya okhala oohakalala woona wi nnahaala okhala aweemereryiwa ni Muluku.—Mat 5:10-12; 1Ped 4:12-14.

MOONE EXILEMA NSINA NA YEHOVA TI NOOCHUNEYAXA, NAVE MWAAKHULE MAKOHO ANACHARELA:

• Ti mwawiihai Murokora Pötzinger * aapharihenleiye phaama elukuluku awe vaavaa aareiye mukariposo meekheiye?

• Makacamiho taani Murokora Pötzinger ni iyawe yaavilenlaaya mu mapuro oohiyanahiyana a alipa oophariwa?

• Tiheeni yaakhavihenrye ovilela?