Nihaakumve opaka yoolakelela, ekhaani naari etokweene, yaahaala okhala yaphaama wiikoha: ‘Apwanne Yehova onahaala osiveliwa?’ Hiyaano hannawerya osuwela ichu soothene Yehova onuupuweleiye, naamwi hiiha, owo ohooniherya Mpiipiliyani soothene nnachunaahu wi nikhale awaakhwanela “mmiteko soothene saphaama.” (2Tim 3:16, 17; Aro 11:33, 34) Yesu aaniiwexexa phaama yoochuna ya Yehova nave eyo yaari yoochuneyaxa mu okumi awe. (Yoh 4:34) Hiiha ntoko Yesu, hiyaano nnaphwanela wiilipixerya vancipale wi nipake soolakelela seiho sinamuhakalaliha Yehova.—Yoh 8:28, 29; Éfe 5:15-17.

MOONE EXILEMA MWIIWEXEXE TEEVI ERI YOOCHUNA YA YEHOVA (ONAM 19:18), NAVE MWAAKHULE MAKOHO ANACHARELA:

• Ntakhara heeni nnaphwanelaahu opharihela malakiheryo a Mpiipiliyani mu okumi ahu?

• Malakiheryo taani a Mpiipiliyani anahaala onikhaviherya othanlela macipo nnawiriyanaahu?

• Malakiheryo taani a Mpiipiliyani anahaala onikhaviherya othanlela soowara ni mukhalelo wa owara?

• Makupa taani a okumi ahu nnaphwanelaahu opharihela malakiheryo a Mpiipiliyani?

• Tiheeni enahaala onikhaviherya wiiwexexa yeeyo Yehova onachuneiye wa hiyaano?