OKUMI WEEKRISTU
Muthanleke Mathatelo Anyu Mwa Miruku
Ntakhara heeni nnaphwanelaahu othanlela phaama yeeyo nnathataahuno? Nthowa nawi vaavaa nnathanlaahu exilema, ncipo, esaiti, liivuru naari apaxakhwe a mukhankoonya, hiyaano nnathanla echu yeeyo enahaala osareiha muupuwelo ahu. Soothanla iho sinnatoroka meerelo ni meecelo ahu. Moohiciha, mathatelo mancipale akhanlevo olelo, aasareya ni ichu seiho Yehova oniiceiye. (Sal 11:5; Gal 5:19-21) Nthowa na yeeyo, Piipiliya onnanleela wi nnaphwanela otitelela wuupuwelela ichu seiho sinamuhakalaliha Yehova.—Fil 4:8.
MOONE EXILEMA MATHATELO TAANI ARI OOPHWANELELA WA MIYAANO? NAVE MWAAKHULE MAKOHO ANACHARELA:
Ti mwawiihai mapokha a owana yeeriwa ni Aroma akhalai analikanaaya ni mathatelo amutano?
Anna mmulokoni eni yaakhaviherye hai amiravo othanla mathatelo aya mwamiruku?
Ti mwawiihai Yoorepa ya Aroma 12:9 eneeraaya enikhaviherye othanlela phaama mathatelo ahu?
Mathatelo taani aphaama anaphwanyeya weiwo munakhalaanyuwo?