Mmiloko sahu nookhalano anna yaawo anamurumeela Yehova mu iyaakha sincipale. Omuroromela waya Yehova onnawerya onihusiha ichu sincipale. Hiyaano nnanwerya onwopa muchu wi aloce saweereya sawe va malapelo ahu a echoko.

Waakhanle wi munamurumeela Yehova mu iyaakha sincipale, muhimaale oloca sa nroromelo nanyu wa amiravo ni asimwali a muloko anyu. Yakopo ni Yosefe yaanaaleela anaaya saweereya saya. (Map 48:21, 22; 50:24, 25) Yehova ahaaleela tho yaale yaahoolela ichoko o Isarayeli a khalai wi yaaphwanela waahusihaka anamwane aya vooloca sa ichu sootikhiniha owo aapankeiye. (Malam 4:9, 10; Sal 78:4-7) Moolikana olelo, asitiithi ni anna a muloko ananwerya waaleela avyaani soothene awo yoonnaaya Yehova apakaka mu marehereryo awe.

MOONE EXILEMA AWO YAATITELELA WIIWANANA NAAMWI YIIKARIWAKA, NAVE VOOCHARELA MWAAKHULE MAKOHO ALA:

• Mmukhalelo taani Efiliyale ya Australiya yaakhavihenryaaya annihu mu ilapo ikina weiwo muteko woolaleerya waakhwatiihiwaayawo?

• Tiheeni anna yaala yenraaya wi etitelele okhala oolipa mmakupa oomunepani?

• Alaleeryi akavi a Waromeniya yaawo yaakhumme mmarehereryo a Yehova, nave ntakhara heeni awo yaalakelenlaaya okooka?

• Mmukhalelo taani yaweereya yeela enalipihaaya nroromelo nanyu?